mumtv.az
mumtv.az

İsmayıl Vəliyevin həbs müddəti uzadıldı - Yenilənib

İsmayıl Vəliyevin həbs müddəti uzadıldı - Yenilənib
11-09-2020, 12:58 46 dəfə baxılıb

İsmayıl Vəliyevin həbs müddəti uzadıldı

Dövlət Təhlükəsizlik Xidməti tərəfindən saxlanılan Neftçala rayon İcra Hakimiyyətinin sabiq başçısı İsmayıl Vəliyev və rayonun digər vəzifəli şəxslərinin həbs müddəti bitmək üzrədir.

Mumtv.az "Qafqazinfo”nun verdiyi xəbərə istinadən bildirir ki, bu səbəbdən istintaq orqanı onlar barəsində seçilmiş həbs qətimkan tədbirlərinin müddətinin uzadılması üçün məhkəməyə təqdimat verib.

Belə ki, fevralın 22-də həbs edilən başçı və işçilərinin barəsində ilk olaraq 4 aylıq həbs qətimkan tədbiri seçilmişdi, növbəti dəfə bu müddət daha 3 ay artırılıb.

Sabiq başçı İsmayıl Vəliyev, rayon Mərkəzi Xəstəxanasının baş həkimi Telman Zahidov, rayon Təhsil şöbəsinin müdiri Əjdər Kərimov və Ərazi idarəetmə və yerli özünüidarəetmə orqanları ilə iş şöbəsinin müdiri Anar Cəfərovun barəsindəki təqdimata Səbail rayon məhkəməsinin hakimi Mədinə Bağırova baxacaq.

İ.Vəliyevin birinci müavini olmuş Vurğun Əkbərov və İcra hakimiyyətinin Memarlıq və tikinti şöbəsinin müdiri Vüqar Nağıyevlə bağlı məhkəməyə isə hakim İlkin Rüstəmli rəhbərlik edəcək.

Onlar rüşvət, mənimsəmə, vəzifə səlahiyyətlərindən sui-istifadə və s. əməllərinə görə Cinayət Məcəlləsinin müvafiq maddələri ilə təqsirləndirilirlər.

***

Məhkəmənin qərarı ilə İsmayıl Vəliyev və digər adıçəkilən vəzifəli şəxslərin həbsdə qalma müddəti daha 3 ay uzadılıb.







Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA