Ötən ayın 14-də 1997-2000-ci illərdə Abşeron Rayon İcra Hakimiyyətinin başçısı işləmiş Adil Nağıyev 84 yaşında dünyasını dəyişib. Bu barədə "AzPolitika.info"ya mərhumun yaxınları məlumat verib.

Adil Nağıyev Abşeron rayonunda YAP-ın yaradıcılarından biri olub. Həyatı boyu Ümummilli Lider Heydər Əliyevin siyasətinə sədaqəti ilə tanınıb.

Xatırladaq ki, Adil Nağıyev torpaqlarımızin işğaldan azad olunması uğrunda başlanan vətən müharibəsinin ilk günlərdə yaşadığı Bakı şəhər Sabuncu rayon Hərbi Komissarlığına müraciət edib, 84 yaşının olmasına baxmayaraq müharibəyə getmək istədiyini bildirmişdi.

Yaşının çoxluğunu əsas gətirib ona yox cavabı veriləndə isə demişdi ki, erməni dilini təmiz bilirəm, qoyun heç olmasa ordumuza bu bilgimlə kömək edim. Belə vətənpərvərliyi ilə Adil müəllim gənclərimizə bir nümunə idi.

Allah rəhmət eləsin!