MUMtv.az: - "Kurtlar vadisi” serialının məşhur siması, "Güllü” obrazının ifaçısı, aktyor Erhan Ufak sabah Bakıya gələcək.

Bir neçə gündür mətbuatda bu haqda xəbərlər yer alsa da aktyor bu haqda özəl olaraq Moderator.az-a danışıb.

"Azərbaycan mənim çox sevdiyim ölkədir, orada çox dostlarım var. Hər zaman sıx mədəni əlaqələrimiz mövcud olub. Bilirəm ki, bizim "Kurtlar vadisi” serialı bir çox ölkələrdə olduğu kimi Azərbaycanda da çox sevilib. Bu serial vasitəsilə biz məşhur olmuşuq. Nəsib-qismət olarsa aprel ayının 16-də Azərbaycana gələcəyəm. Sizin vasitənizlə Azərbaycandakı dostlarımıza sevgi və salamlarımı göndərirəm. Darıxmayın, görüşümüzə az qaldı” deyə aktyor bildirib.

Aktyor Bakıya "Sənət Akademiyası” adlı layihədə iştirak etmək üçün gəlir. Bu haqda təşkilatçı Səbuhi Zamani Moderator.az-a açıqlama verib.

" Rəhbərlik etdiyim Mədəniyyətin Təbliği və Sosial Təşəbbüslər İctimai Birliyinin dəvəti ilə Erhan bəy Azərbaycana gəlir. Bizim ictimai birliklə "Eslem” şirkəti arasında bir imza mərasimi olacaq. Hazırda "Sənət Akademiyası” adlı layihəmizi həyata keçirmək üçün var gücümüzlə çalışırıq. Bu layihədə iştirak etmək üçün 18-65 yaş arasında olan istənilən Azərbaycan vətəndaşları bizə müraciət edə bilər. Türkiyənin məşhur kino ulduzları və sənət adamları müxtəlif sahələr üzrə ölkəmizdə 3 aylıq təlim keçirəcəklər. Təlimlərdə iştiraka görə hər bir tələbəyə setrifikat da veriləcək” deyə təşkilatçı bildirib.