Sosial şəbəkələrdə yayılan məlumatla Sizi tanış edirik.

 "Ölkədə pandemiya ilə əlaqədar karantin rejiminin davam etdiyi vaxtda, ölkəmizə qarşı erməni separatçıları təxribat törətdiyi, şəhid verdiyimiz və Prezidentin apardığı uğurlu islahatlar davam etdiyi, bəzi məmurların dövlət büdcəsini talan etdiyi üçün həbs edildiyi,  korrupsiyaya qarşı mübarizə aparıldığı  bir vaxtda Londonda 600 min funt sterlinqə (1.300.000 manat) ev alan şəxsin kimliyini maraq edirsiniz. Həmin şəxs Milli Məclisin deputatı Ülvi Quliyevin oğlu Orxan  Quluzadədir. 

Deputatın oğlu iyunun 25-də İngiltərə paytaxtında, Avenue road, 32, N12 8PY-dəki evi almaq üçün 0635 3306 0009 saylı alqı-satqı müqaviləsi imzalayıb və iyulun 3-də müqavilənin şərtlərinə əsasən 600 min funt sterlinq vəsait UGANO LTD vasitəsilə Hampshire Trust Bank PLC üzərindən ödənilib. 

Bu ev Ülvi Quliyevin oğlunun Londonda aldığı sayca 5-ci evdir.

Orxan Quluzadə bundan əvvəl Londonda daha 4 mənzil alıb:

LONDON, SQUİRES LANE 124 (565 min funt sterlinq)

LONDON, SELLİNCOURT ROAD 149 (425 min funt sterlinq)

LONDON, SELLİNCOURT ROAD 151 (500 min funt sterlinq)

LONDON yaxınlığında BARNET, MAYS LANE 20 (750 min funt sterlinq).

Ülvi Quliyevin oğlu UGANO LTD-ni 2009-cu ildə Londonda təsis edib, şirkət ötən ilin iyul ayınadək  GUANO LTD adı ilə fəaliyyət göstərib.

2019-cu il maliyyə hesabatına görə şirkətin aktivləri 1 milyon funt (1.200.000 dollar) civarında olub. Orxan Quluzadə bu ilin əvvəlində Londonda ikinci şirkətini- MARKETING SOLE PROJECT LTD-ni təsis edib.

Atası Ülvi Quliyev dərman biznesi ilə məşğuldur, "LOĞMAN FARM" tibb şirkəti də Orxan Quluzadənin adına qeydiyyatdan keçib".  

 Əgər halal zəhmətlə qazanında bu milyonları, işimiz və sualımız yox, Allah artıq eləsin, yox əgər haram  yolla, dövlət büdcəsindən oğurlanıbsa, suallar çox olacaq. Təsəvvür edirsiniz ki, bu milyonlarla nə qədər ehtiyacı olan xəstə insanları, uşaqları və şəhid ailələrini sevindirmək olardı?  

Əgər bu doğrudursa aidiyyatı dövlət orqanları mütləq səlahiyyəti daxilində araşdırma aparmalıdırlar. 

Təhqirə yol verməməklə hər kəs öz azad fikrin qeyd edə bilər.