Gündəm
Gündəm / Dünya
Pentaqon şübhəlisi FTB tərəfindən həbs edilib
"MUMtv.az" "Amerikanın Səsi"nə istinadən xəbər verir ki, FTB məxfi məlumatların pozulmasında şübhəlinin müəyyən edilməsi ilə bağlı mediada yayılan xəbərlər fonunda "həbs edildiyini və Massaçusets ştatının Şimali Dayton şəhərindəki yaşayış binasında səlahiyyətli hüquq-mühafizə fəaliyyətini davam etdirdiyini" bildirib.
Ədliyyə Departamentinin rəhbəri Merrik Qarland bildirib ki, FTB Jack Teixeira-nı “məxfi milli müdafiə məlumatlarının icazəsiz çıxarılması, saxlanması və ötürülməsi ilə bağlı aparılan istintaqla əlaqədar” həbs edib.
Pentaqon bildirib ki, sızıntılar “qəsdən, cinayət əməli” olub. Pentaqonun sözçüsü Pat Rayder Ədliyyə Nazirliyinin araşdırmasına istinadən jurnalistlərin həbslə bağlı suallarını cavablandırmaqdan imtina edib.
Teixera Bostonda federal məhkəmə qarşısında çıxış edəcək.
Xatırladaq ki, ötən həftə Ədliyyə Nazirliyi Pentaqonun sənədlərinin sızması ilə bağlı cinayət işi açmışdı. Hərbi idarə daxili araşdırma aparır və yüzlərlə məxfi sənədin yayılması nəticəsində dəymiş ziyanı qiymətləndirir. CNN-in məlumatına görə, cinayət təhqiqatını FTB-nin Vaşinqton ofisi, o cümlədən bu sahədə təcrübəsi olan əks-kəşfiyyat müstəntiqləri qrupu aparır.
Jurnalistlərin sözlərinə görə, şübhəli şəxs silah və video oyunlarla maraqlanan və platformada irqçi memlar paylaşan 20-30 yeniyetmə və gəncdən ibarət olan Thug Shaker Central adlı özəl söhbət qrupunun rəhbəri olub. Bu barədə NYT əlində olan mənbələrə və sənədlərə istinadən məlumat yayıb.
MUMtv.az
Kamal Əsgərov