Florida qubernatoru Ron DeSantis ştatda səlahiyyətlilərdən icazə almadan gizli şəkildə silah gəzdirilməsinə icazə verən qanunu imzalayıb.

MUMtv.az" "ria.ru"ya istinadən bildirir ki, bu barədə qubernatorun mətbuat xidməti məlumat yayıb.

"Bu gün qubernator DeSantis, Florida sakinlərinin səlahiyyətli orqanlar tərəfindən verilən icazə olmadan gizli silah gəzdirilməsinə icazə verən Konstitusiyaya İkinci Düzəliş əsasında hüquqlarını gücləndirən 543 saylı qanun layihəsini imzaladı" - deyə bildirib. Qeyd olunur ki, qanun 2023-cü il iyulun 1-dən qüvvəyə minəcək. Florida gizli daşımalara icazə verən 26-cı ABŞ ştatı oldu. DeSantis qanunun imzalanmasını şərh edib: "Silahların konstitusiyaya uyğun daşınması qanunidir".

Ağ Ev Florida qubernatorunun bu yaxınlarda Tennessi ştatında üç uşaq da daxil olmaqla altı nəfərin ölümü ilə nəticələnən məktəbə atışma fonunda qərarını tənqid edib.

“Gun Violence Archive” qeyri-hökumət təşkilatının hesablamalarına görə, 2022-ci ildə ABŞ-da baş verən müxtəlif atışma hadisələri 44,3 mindən çox insanın həyatına son qoyub, təxminən 38,6 min nəfər isə yaralanıb.

MUMtv.az
Aynur Qasımova