Avropa Komissiyasının rəhbəri Ursula fon der Leyen yenidən AK-yə seçilməyəcəyi təqdirdə NATO-nun baş katibi vəzifəsinə müraciət edəcək.

"MUMtv.az" "news.am"a istinadən bildirir ki, İtaliyanın "la Repubblica" qəzeti belə bir bəyanatla çıxış edib.

Nəşrin məlumatına görə, bunun üçün hazırlıqlara bir neçə həftə əvvəl başlanılıb.

Qəzet yazır ki, martın 7-dən başlayaraq fon der Leyenin Kanada və ABŞ-a səfərinə “fərqli prizmadan”, yəni onun NATO-nun baş katibi vəzifəsinə namizədliyinin mümkün irəli sürülməsi kontekstində nəzərdən keçirilməlidir.

"Alyansın iyul ayında Vilnüsdə keçiriləcək sammitində Yens Stoltenberqin sentyabrda başa çatacaq səlahiyyət müddətinin daha bir il uzadılmasına cəhd göstəriləcək", - deyə, la Repubblica xəbər verir. Von der Leyenin səlahiyyət müddəti 2024-cü ilin yayında başa çatır.

Qəzetə görə, von Leer Leyen NATO-nun başında "amerikalılar üçün ideal həll olardı, çünki potensial alternativ namizədlər tamamilə inandırıcı deyil". Eyni zamanda, onun bu vəzifəyə iddiaları "gələn il seçkilər ərəfəsində ölkələrin və partiyaların son aylarda qurduqları ssenariləri pozacaq".

Avropa Komissiyasının sədri martın 7-də Ottavaya, ertəsi gün isə Vaşinqtona yola düşəcək. ABŞ paytaxtında o, prezident Co Baydenlə görüşəcək. ABŞ prezidentinin mətbuat katibi Karine Jan-Pyer planlaşdırılan görüşlə bağlı məlumatı təsdiqləyib. Onun sözlərinə görə, fon der Leyen və Bayden ətraf mühit və təhlükəsizlik sahələrində əməkdaşlığı, Ukraynadakı vəziyyəti və Çinlə qarşılıqlı fəaliyyət məsələlərini müzakirə edəcəklər.

MUMtv.az
Fatimə Kamalqızı