“MUMtv.az” Türkiyənin “sözcu” qəzetinə istinadən xəbər verir ki,ABŞ başda olmaqla bəzi ölkələrin İstanbula hücumlarla bağlı xəbərdarlıqları Türkiyə ilə Qərb ölkələri arasında gərginliyə səbəb olub. ABŞ, Almaniya, Fransa və İtaliyanın Ankaradakı səfirlikləri İstanbulda mümkün terror hücumlarının ola biləcəyi ilə bağlı vətəndaşlarına xəbərdarlıq etmişdi. Bəzi ölkələr təhlükəsizlik səbəbiylə İstanbuldakı konsulluqlarını müvəqqəti bağlamışdı.

Bu vəziyyətə reaksiya verən Türkiyə diplomatik nümayəndəliklərini bağlayan 9 ölkənin səfir və nümayəndələrini Xarici İşlər Nazirliyinə çağırıb. Xarici işlər naziri Mövlud Çavuşoğlu da “Biz bu açıqlamaların və bağlanmaların məqsədyönlü olduğunu düşünürük” deyib.
ABŞ səfirliyi bu gün rəsmi Twitter hesabında yeni bəyanat yayıb. Bəyanatda aşağıdakılar fikirlər yer alıb:

“Bu yaxınlarda Taksim, İstiklal və Qalatada xüsusi terror təhdidlərini aradan qaldıran Türkiyə Polis Qüvvələrinə minnətdarlığımızı və hörmətimizi bildirmək istərdik. Onların gördüyü tədbirlər və işlər sayəsində bütün çətinliklər aradan qaldırıldi İndi hər şey öz qaydasındadır.. Amerikalılar terrora qarşı türklərlə həmrəy olduğu kimi, biz də bu gün böyük dağıntılar dövründə bir daha ürəkdən Türkiyənin yanındayıq və müttəfiqlərimiz və tərəfdaşlarımızla birlikdə Türkiyənin zəlzələdən sonra sağalmasına kömək etmək istəyirik”.

MUMtv.az
Ulduz Talıblı