META-nın baş direktoru Mark Zukerberq bu yaxınlarda bir hesabın izləyiciləri ilə ünsiyyətini asanlaşdıracaq yayım kanallarını əlavə etdiyini açıqlayıb.
Bu xüsusiyyət WhatsApp-a da gəlir.

"MUMtv.az" "haberglobal"a istinadən bildirir ki, WABetaInfo tərəfindən aşkar edilən bu xüsusiyyət Status sekmesinde yerləşəcək. Prinsipcə, WhatsApp -ın ən böyük rəqibi Telegram -dakı kanallar kimi fəaliyyət göstərəcək .

Xəbər bülleteni şəklində olan bu yeni ünsiyyət vasitəsi WhatsApp-ın Android üçün ən son beta versiyasında görünəcək.

Beləliklə, WhatsApp istifadəçilərinin xəbərləri və ya hadisələri izləmək üçün başqa alətlər axtarmasının qarşısı alınacaq.

İnstaqramda canlı yayımlar üçün hazırlanan bu funksiya Yayım Kanalları adlanır. Instagram hələ də bu funksiyanı sınaqdan keçirir.

WhatsApp -da bu funksiya bir az fərqli işləyəcək. Bu kanallara normal chat şəklində abunə olanları, yalnız yayımı açan şəxs görəcək.

Kod adı olan xəbər bülleteni funksiyası birtərəfli ünsiyyətə imkan verəcək. Bunun WhatsApp-ı miniatür Facebook-a çevirəcəyini deyənlər də var.

Digər tərəfdən, kanala abunə olanların telefon nömrəsi məxfi qalacaq. Digər abunəçilər və ya kanalın sahibi bu nömrələri görə bilməyəcək.

Telegram-ı təqlid etməyə çalışarkən WhatsApp da istifadəçilərindən Telegram-dan istifadə etməməyi xahiş edir.

Keçən il WhatsApp-ın rəhbəri Uill Ketkart deyib: "Mən Telegram-dan şəxsi heç bir şey üçün istifadə etməzdim. Telegram7-də defolt başdan-başa şifrələmə yoxdur və bu mesajların bir nüsxəsinin Telegram-da olması deməkdir. Yəni, bu məni narahat edir”.

Telegram-ın rəhbəri Pavel Durov isə WhatsApp-dan çəkinmək lazım olduğunu deyir.

MUMtv.az
Asiman Əsədsoy