Bu il G20 sammitinin noyabr ayında Balidə keçirilməsi planlaşdırılır.

"MUMtv.az" xarici KİV-ə istinadən xəbər verir ki, ABŞ, Kanada və bir sıra digər ölkələrin etirazlarına baxmayaraq, İndoneziyanın ev sahibliyi etdiyi sammitə Rusiya prezidenti Vladimir Putin də dəvət alıb.

Ukrayna prezidenti də G20-yə qonaq qismində dəvət alıb.

İndoneziyanın Rusiyadakı səfiri Xose Tavares qeyd edib ki, ölkəsi Ukrayna və Rusiya arasında dialoqu təşviq etmək istəyir.

Lakin bu məsələ, eləcə də Ukrayna və Rusiyanın sammitində iştirak formatı açıq qalır.

İndoneziya tərəfinə sammit çərçivəsində Vladimir Putin və Vladimir Zelenski arasında görüşü təşkil etmək mümkün görünür.

Tərəflərdən heç biri görüşmək üçün hər hansı xüsusi istəyi ifadə etməyib.