Dünya
Türkiyə loqo hazırladı, AB narazı qaldı
Ötən gün Türkiyə Xarici İşlər naziri Mövlud Çavuşoğlu Avropa Parlamenti (AP) Xarici İşlər Komissiyasının iclasına videokonfrans vasitəsilə qatılıb.
Mumtv.az Axar.az-a istinadən xəbər verir ki, Çavuşoğlunun çıxışı zamanı Türkiyə və Avropa Birliyi (AB) bayraqlarını bir çərçivədə göstərən loqo müzakirə mövzusu olub. Almaniyada Yaşıllar Partiyasının üzvü olan deputat Raynhard Butikofer həmin loqonun qaldırılmasını tələb edib.
"İki bayrağın qarışdırılma formasını bəyənmədim. Çünki AB bayrağındakı bəzi ulduzlar Türkiyə bayrağındakı ulduzun kölgəsində qalır. Düşünürəm ki, bunun qarşısı alınmalıdır”, - deputat bildirib.
Məsələyə münasibət bildirən AB-nin xarici əlaqələr komissiyasının rəhbəri Devid Makkalister loqonun Türkiyə tərəfindən hazırlandığını deyib.