Dünya
Dünya
Müəllim uşaqlara kömək üçün Allaha deyil, şeytana üz tutmağı məsləhət gördü...- RƏZALƏT
"Üzdəniraq pedaqoq əxlaqsızlıq və narkotiklə bağlı maddələrlə 10 cinayət işi üzrə ittiham edilib..."
Səudiyyə Ərəbistanında prokurorluq ibtidai sinif şagirdlərinə keçdiyi dərsdə Şeytanı təriflədiyi üçün məktəb müəllimi 40 gün müddətinə işdən azad edilib.
MUMTV.az bu haqda "GulfNews” ərəb nəşrinə istinadla xəbər verir.
Kontrol işi üçün materialda ibtidai sinif müəllimi "kömək üçün Allah sığınıram" ifadəsində Allahın adını "şeytan" sözü ilə əvəzləyib. Üzdəniraq müəllim bununla ilahi qoruma və himayə üçün ənənəvi müsəlman duasını kobud şəkildə təhrif edib. Müəllimin kömək üçün Allaha deyil, şeytana müraciət etməsi uşaqlar, valideynlər və məktəb rəhbərliyinin diqqətindən kənarda qalmayıb. Bəhs edilən kontrol işi tədris materiallarından çıxarılıb və müəllim işdən kənarlaşdırılıb.
Səudiyyə hüquq-mühafizə orqanları istintaq başladıb və məlum olub ki, üzdəniraq pedaqoqun silsilə məhkumluq siyahısı var.
"Həmin müəllim əxlaqsızlıq və narkotiklə bağlı maddələrlə 10 cinayət işi üzrə ittiham edilib" -deyə hüquq-mühafizə orqanlarının nümayəndəsi bildirib. Cinayət cəzası ilə yanaşı, bu məxluqun psixiatriya xəstəxanasında məcburi müalicə alacağı da istisna edilmir.