Dünyada işsizlik artığı halda DSK-nin yaydığı məlumata görə Azərbaycanda işsizlik səviyyəsi azalıb...
İqtisadçı-ekspert: "Müavinət almaq üçün işsiz əhalinin Dövlət Məşğulluq Xidmətində "online” qeydiyyata düşməsi tələb olunurdu. İnsanlar heç bir yerə getmədən evlərindən internet vasitəsilə qeydiyyatdan keçdilər və nəticədə işsizlərin sayında birdən-birə artım baş verdi”.
"Faktiki fəaliyyətini dayandırmış çoxlu sayda fərdi sahibkar oldu ki, dəstəkdən yararlanmaq üçün son aylarda fəaliyyətlərini aktivləşdirdilər”.
Bu sözləri iqtisadçı-ekspert Vüsalə Əhmədova Azərbaycanda muzdla çalışan işçilərin sayının artma səbəbini PİA.az-a şərh edərkən qeyd edib.
Dünyada işsizlik artığı halda DSK-nin yaydığı məlumata görə Azərbaycanda işsizlik səviyyəsi azalıb. Belə ki, 2020-ci il mayın 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 92.8 min nəfər artıb.
DSK-nın təqdim etdiyi statistika reallığı nə qədər əks etdirir?
Mövzunu PİA.az-ın əməkdaşı iqtisadçı-ekspert Vüsalə Əhmədova ilə müzakirə edib.
Vüsalə Əhmədova: "Bütün mikro, kiçik və orta sahibkarların həm özləri, həm də işçiləri üçün İnternet Vergi İdarəsində mövcud olan elektron kabinetləri vasitəsilə müraciət etmələri mümkündür”.
Yardımdan yararlanmaq üçün işçilərinin sayını süni surətdə artıranların olduğunu vurğulayan iqtisadçı-ekspert bildirib ki, muzdla çalışanların sayındakı artımın səbəbini məhz bununla izah etmək mümkündür:
"Məlum olduğu kimi, COVID-19 pandemiyasının iqtisadi zərərlərini minimuma endirmək üçün hökumət aprel və may ayları üzrə işsiz əhaliyə 190 manat həcmində birdəfəlik ödəniş verəcəyini bildirdi. Müavinət almaq üçün işsiz əhalinin Dövlət Məşğulluq Xidmətində "online” qeydiyyata düşməsi tələb olunurdu. İnsanlar heç bir yerə getmədən evlərindən internet vasitəsilə qeydiyyatdan keçdilər və nəticədə işsizlərin sayında birdən-birə artım baş verdi. Hazırda DSK-nın bildirdiyi kimi, muzdla çalışan işçilərin sayındakı artımın səbəbi də buna bənzərdir.
Bilirsiz ki, pandemiyanın zərər vurduğu fəaliyyət sahələrində və klasterlərdə çalışan muzdlu işçilərin əmək haqlarının müəyyən hissəsinin ödənilməsi üçün sahibkarlara dövlət tərəfindən maliyyə dəstəyinin veriləcəyi bildirildi. Proqramda sahibkarlar üçün iki istiqamətdə dəstək nəzərdə tutulurdu, həm fərdi sahibkarların özləri üçün, həm də işçilərinin əmək haqlarını ödəmələri üçün.
Vüsalə Əhmədova: "Yardımdan yararlanmaq üçün işçilərinin sayını süni surətdə artıranlar da oldu”.
Bütün mikro, kiçik və orta sahibkarların həm özləri, həm də işçiləri üçün İnternet Vergi İdarəsində mövcud olan elektron kabinetləri vasitəsilə müraciət etmələri mümkündür. Faktiki fəaliyyətini dayandırmış çoxlu sayda fərdi sahibkar oldu ki, dəstəkdən yararlanmaq üçün son aylarda fəaliyyətlərini aktivləşdirdilər.
Eyni zamanda, yardımdan yararlanmaq üçün işçilərinin sayını süni surətdə artıranlar da oldu. Həmin sahibkarlara dəstək göstərilib göstərilməyəcəyi mövzunun digər tərəfidir. Ancaq, muzdla çalışanların sayındakı artımın səbəbini məhz bununla izah edərdim”.