Hadisə
Bunu etməklə cəmi bir ilə 20 yaş QOCALDI - FOTO
Britaniyanın Bakinqemşir qraflığından olan Rut Holroyd bir ilə 20 yaş qocalıb.
Mumtv.az bildirir ki, BiG.AZ-ın verdiyi xəbərə görə, bu barədə "Daily Mail" yazır.
6 yaşından ekzemadan (dəri xəstəliyindən) əziyyət çəkən və steroid (yüksək bioloji aktivliyə malik olan maddələr) qəbul edən qadın 46 yaşında sağlamlığında yaranan digər problemlərə görə bu dərmandan imtina etməli olub.
Uşaqlıqdan dərisində qızartı və qaşınmalar əmələ gəlməyə başlayan Rut 40 il boyunca həkimin ona təyin etdiyi steroidlər vasitəsiylə bu problemlə mübarizə aparıb.
Steroidlər ekzemanın öhdəsindən yetərincə yaxşı gəlsə də, 2019-cu ildə 46 yaşlı qadın yüksək təzyiqdən əziyyət çəkməyə başlayıb.
Steroidlərin sümüklərdə də ciddi fəsad yaratdığını öyrənən Rut onlardan tamamilə imtina etmək qərarına gəlib.
Həkim bu qərarının nəticələri barədə ona xəbərdarlıq edib və dərmanı dayandırmağı məsləhət görməyib, lakin Rut fikrindən dönməyib.
Dərmanları dayandırandan dərhal sonra onun üz, ayaq və əllərinin dərisi qızarmağa, qabıq verməyə, şəffaf maye ifraz etməyə başlayıb. Vəziyyət o qədər gərginləşib ki, qadın hətta işdən çıxaraq evdə oturmaq qərarına gəlib.
Nəmləndirici kremlər qabıq vermənin qarşısını alsa da, digər problemləri aradan qaldırmayıb.
Cəmi bir il ərzində Rutun dərisi qırışlanaraq sallanıb və o, sanki bir anda qocalıb. Bu, qadında özünəinamı kəskin azaldıb.
Lakin hər şeyə rəğmən, Holroyd səhhətinin qaydasına düşdüyü üçün pozitiv olmağa və özünü olduğu kimi qəbul etməyə çalışır. O, sağlamlığın zahiri görünüşdən daha önəmli olduğunu düşünür.