MUMtv.az: - "Qarabağ. Avropa Şurasının prezidenti Şarl Mişelin Azərbaycan və Ermənistana gözlənilməz, hətta sensasion səfəri baş tutdu. O bu ölkələrdə nəinki avropalı, həm də fransız siyasətçi kimi çıxış etdi (özü Belçikada Fransa ictimai birliyini də təmsil edir)".

Bizim.Media xəbər verir ki, bu sözləri rusiyalı politoloq Sergey Markov "Facebook" hesablnda bölüşüb.

Fikirlərinin davamında ekspert Fransa barədə məlumat verib və Şarl Mişelin Cənubi Qafqaz səfərinin əsl mahiyyətini açıb:

"Fransa ATƏT-in Minsk Qrupunun həmsədridir və neytral mövqeyi yoxdur. Paris Qarabağ konfliktində ermənipərəst və antiazərbaycan siyasət aparıb. Şarl Mişel də Makronun tapşırıqlarını yerinə yetirməyə çalışıb. Çünki onlar regionda Rusiyanı Avropa Şurası ilə əvəzləmək istəyirlər. AŞ Rusiya-Ermənistan münasibətlərini də kəsmək niyyətindədir. Hazırda Ermənistanda Rusiyanın populyarlığı qismən aşağı düşüb. Bunun səbəbi isə Qarabağ münaqişəsində Kremlin neytral mövqe tutması və KTMT mandatı ilə müharibə zonasına əsgər yollamaması olub.

Mişel də İrəvana 2.6 milyard avro gətirib ki, bu məbləğ Ermənistanın dövlət büdcəsinin mühüm hissəsi (15%) qədərdir. Azərbaycana isə heç nə gətirmədilər, çünki Azərbaycan güclü iqtisadiyyata sahibdir və Avropa Şurasının puluna qalmayıb. Bu yardım həm də Ermənistanın zəifliyinin etirafıdır. Amma digər tərəfdən pul hamının xoşuna gəlir. Baxmayaraq ki, ermənilər əvvəlcə Şarl Mişeli "biabırçılıq" şüarları ilə qarşılayıblar.

Avropa Şurası və Fransa Qarabağ münaqişəsinin nizamlanmasında Rusiyanın böyük rolunun olmasından narazıdır. Buna görə də Kremli regiondan sıxışdırıb çıxarmaq, əvəzində Azərbaycanla Ermənistana özlərini sırımaq istəyirlər".

Markovun fikirlərinə əlavə olaraq qeyd edək ki, Azərbaycanın Avropa Şurası və Fransanı regiona buraxması real görünmür.

Yetər ki, Moskva da Parislə Vaşinqton qədər ATƏT-in Minsk Qrupunu gündəmə gətirməsin. Yoxsa Bakı anlayır ki, fransızlara baxmış ruslar daha neytraldır.