Bu günlərdə istedadlı gənc yazar, hüquqşünas Süleyman Tarverdinin "Zərdab və Zərdabın Tanınmışları” ensiklopedik kitabı "Zərdabi” nəşriyyatında nəfis şəkildə çap olunaraq oxucuların ixtiyarına verilib.

Qanunla.Az xəbər verir ki, kitabda Azərbaycanın qədim və bənzərsiz bölgələrindən olan, Azərbaycan mədəniyyətinə və elminə görkəmli nümayəndələr bəxş edən, Azərbaycan milli mətbuatının banisi Həsən bəy Zərdabinin adı ilə məşhur olan Zərdab rayonu haqqında bu ensiklopedik kitabda rayonun qısa tarixi, coğrafi mövqeyi, iqlimi, flora və faunası, Zərdabın yaşayış məntəqələri, eləcə də Zərdab rayonundan Vətən uğrunda igidliklə döyüşüb şəhid olanlar barəsində məlumatlar öz əksini tapıb. Kitabda Zərdab rayonunun tanınmış şəxsiyyətləri haqqında materiallar toplanıb. Onu da qeyd edək ki, Süleyman Tarverdinin bundan əvvəl həmmüəllifi olduğu "Zərdablılar Vətən Uğrunda” kitabı işıq üzü görmüşdü.