Gündəm

Xankəndində hərbçi olmağa erməni tapılmır
Xankəndində yerləşən və separatçı qüvvələr üçün zabit hazırlayan yeganə hərbi təmayüllü lisey bağlanıb. Xristofor İvanyanın adını daşıyan hərbi məktəb Rusiyadakı Suvorov adına hərbi məktəblərin analoqu idi. Hərbçi olmaq istəyən yeniyetmələr bu liseydə 11-ci sinfə qədər oxuduqdan sonra Ermənistan və Rusiyanın ali hərbi məktəblərinə daxil olurdu.

Qeyd edək ki, Xristofor İvanyan adına lisey 2001-ci ildə yaradılıb. Lisey uzun illər Qarabağdakı separatçı rejimin qanunsuz hərbi birləşmələri, eləcə də zabit heyəti formalaşdırmaq üçün əsas mərkəz rolunu oynayıb. 2020-ci ilin sentyabrında liseydə 78 nəfər təhsil alırdı. Sülhməramlıların nəzarət etdiyi ərazidə yeganə hərbi təmayüllü təhsil müəssisəsinin bağlanması bölgədə qanunsuz hərbi birləşmələrin sayının kəskin azaldılması və yaxın gələcəkdə ləğvinə hazırlıq prosesindən xəbər verir. Bu həm də o deməkdir ki, ermənilər 44 günlük müharibədəki acınacaqlı məğlubiyyətdən sonra hərbçi olmaqdan boyun qaçırırlar, ölkənin hərbi potensialına inanmırlar.

Ekspertlər hesab edir ki, bu proses, yəni hərbi məktəblərin bağlanması Ermənistanda da yaşanacaq. Çünki II Qarabağ savaşında darmadağın olan ölkədə artıq heç kəs ölmək istəmir, hərbidən yayınır, hərbidə olanlar da tərxis olunmaları üçün bütün yollara əl atırlar.

Tərxis Olunmuş Hərbçilərin Gəncləri Maarifləndirmə İctimai Birliyinin sədri, hərbi ekspert Emin Həsənli Ermənistan tərəfin ordu saxlamasının özünün belə gülünc olduğunu söylədi: "Bu məktəbin fəaliyyəti Ermənistan və separatçı rejimin digər fəaliyyəti kimi qeyri-qanuni idi. Necə ola bilərdi ki, Azərbaycan ərazisində hərbi lisey qanunsuz fəaliyyət göstərsin? Bu liseyin məzunları Ermənistan və Moskvada oxusunlar? Onlar hansı ölkənin vətəndaşı idi? Kim onlara vətəndaşlıq vermişdi? Bütün bu faktlar bir daha onu göstərir ki, Ermənistan işğalçıdır və işğalçı fəaliyyət həyata keçirir. İstənilən halda nəinki bu məktəbin məzunları, Ermənistan və Rusiyada oxuyan məzunlar da Azərbaycan məzunlarına məğlub oldular. Biabırçı məğlubiyyətlərini bütün dünya gördü. Ona görə də bu məktəbin bir əhəmiyyəti qalmadı. Digər tərəfdən, burada kimlər oxuyacaq ki? Ermənistanın özündə belə orduya getmək istəmirlər. Övladları hərbi xidmətə getməsin deyə erməni valideynlər kütləvi şəkildə etiraz edirlər. Artıq onların özləri də yaxşı başa düşürlər ki, bu məktəbə qəbul olan olmayacaq. Bir müddətdən sonra Ermənistanın özündəki hərbi məktəbdə belə oxuyan olmayacaq. Bunun müxtəlif səbəbləri var. İlk səbəb məğlubiyyətdir. Digər səbəblərdən biri də Ermənistanın hələ dövlət, ordu qura bilməməsidir. Ümumiyyətlə, ağlı başında olan kəs Ermənistanda ordu saxlamaz. Bu işğalçı dövlətin hansı qonşu ölkələrinin olduğu göz önündədir. Həmin ölkələrdən hansına qalib gələ bilər? Ermənistana daxildə sabitliyi bərpa etmək üçün ancaq polis lazımdır. Ermənistan kimi ölkələrin ordu saxlamasının özü gülüncdür. Yaxın 15-20 ildə işğalçının ordusu olmayacaq. Bunun obyektiv və subyektiv səbəbləri var. Müharibədən elə bir zərbə alıblar ki, bir daha özlərinə çətin gələrlər. Necə ki, II Dünya müharibəsindən sonra məğlub olan Almaniya və Yaponiya uzun müddət ordu saxlamaqdan imtina etdilər, eləcə də Ermənistan bu yolla getməli, hərbidən imtina etməlidir”.

Politoloq Azər Hüseynov bildirdi ki, prosesin bu cür yekunlaşması normaldır: "Rusiya üçün ermənilərin silahlı olması öz maraqlarına xidmət edəndə lazım idi. İndi isə Paşinyan Rusiyadan, sadəcə, taktiki istifadə edir. Ruslar da bunu çox gözəl bilirlər. Belə olan halda Amerika və Fransa aşiqi olan birisinin layihəsinə silahlı dəstək, kadr dəstəyi nəyə lazımdır? Sadəcə, biz bir şeyə hazır olmalıyıq ki, erməniləri hərbisizləşdirib, HDP misali siyasiləşdirməsinlər. Sizə deyim ki, Cənubi Qafqazın sabitliyi üçün Ermənistan maksimum silahsızlaşdırılmalıdır. Əslində bu proses separat tör- töküntülərindən başlayır. Ermənilərin hərbçiliyə meyli ümumən imitasiya idi. İkinci Vətən savaşı onu göstərdi ki, ermənilər 366-cı alay və ona bənzərlər olmasa, hərbə aid millət deyillər. Arxalanacağı regional hərbi güc yoxdursa, hərbi təhsilə də ehtiyac yoxdur. İnşallah, güman edirəm ki, erməni xalqının heç olmasa böyük qisminin şüuru dəyişəcəkdir. Amma ən son məqsəd Ermənistanın demilitarizasiyası olmalıdır”.// "Yeni Müsavat”

Son xəbərlər

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Prezident avtomobil yolları ilə bağlı fərmanda dəyişiklik etdi

Gəncə İcra Başçısı haqda maraqlı iddia və maşın kolleksiyası - Dövlət büdcəsini evinə daşıyıb ki...

Bakıda bu səbəbdən torpaq kəskin ucuzlaşdı

Arıqlama dərmanı qadınlarda kütləvi hamiləliyə səbəb olub

Yaşayış binalarında da parklanma yerləri bahalaşdı

İki rəis işdən çıxarıldı, direktora şiddətli töhmət verildi

“Paşinyan qaçacaq, ətrafı isə...” – İrəvanda hakim partiya üzvləri qorxudulur

Təxribata meyilli qruplar adətən sosial şəbəkə üzərindən ilk addımı atırlar

"Bu tələblər yerinə yetirilməyənə qədər əsirlər azad edilməyəcək" - HƏMAS sözçüsü

“Azneft” İstehsalat Birliyinə yeni baş direktor təyin edilib

Nikol Paşinyan: Ermənistan mühacirətdə olan “Dağlıq Qarabağ hökuməti"ni tanımır

Dollara tələbin artmasının səbəbləri açıqladı

Azərbaycanda işığın qiyməti ucuzlaşa bilər (VİDEO)

Azərbaycanda işığın qiyməti ucuzlaşa bilər (VİDEO)

Vüqar Qurbanovdan yeni baş həkim TƏYİNATI

Daşaltıda itkin düşmüş daha 73 nəfərin adı açıqlanacaq - Əli Nağıyev

Boşanma zamanı əmlakın bölünməsi ilə bağlı daha bir yenilik - VİDEO

Bu gün milli təhlükəsizlik orqanlarının əməkdaşlarının peşə bayramıdır

Bu gün ilk Qədr gecəsidir

Vətəndaşların nəzərinə: Bakıda və üç rayonda qazın verilişində məhdudiyyət olacaq

Bakıda Rusiya Kino Günləri keçiriləcək

Ermənistan bu kəndi Gürcüstana qaytarmağa hazırlaşır

Sabunçunun problemlərinə qurumlar ADİL yanaşmır - Altından sərvətlər çıxan bu ərazilərin üstü kimlərin marağına xidmət edir? // VİDEO

Sabunçunun problemlərinə qurumlar ADİL yanaşmır - Altından sərvətlər çıxan bu ərazilərin üstü kimlərin marağına xidmət edir? // VİDEO

Fransa səfiri Kəlbəcərlə sərhəddə

Vüqar Kərimovla iş adamı Tehran Lətifovun işbirliyi Şəkidə nə qədər ağacın kəsilməsinə səbəb olub

Etirazçılar Pentaqon rəhbərinin evinin qarşısına peyin səpiblər

Orduda müddətdən artıq həqiqi hərbi xidmət keçmək istəyənlərin NƏZƏRİNƏ

Paşinyan üçtərəfli görüş üçün Brüsselə gedəcək

Havadan atılan yardımlar faciəyə səbəb oldu - VİDEO

"Azərbaycan bu yoldan Naxçıvana birləşmək üçün istifadə edə bilər" - Paşinyan

Bütün xəbərlər