mumtv.az
mumtv.az

İqtisadi nəticələri dəqiq müəyyən etmək mümkün olmayıb - Hesablama Palatası

İqtisadi nəticələri dəqiq müəyyən etmək mümkün olmayıb - Hesablama Palatası
25-05-2021, 10:49 75 dəfə baxılıb

 İqtisadi nəticələri dəqiq müəyyən etmək mümkün olmayıb
Ötən il Azərbaycanda makroiqtisadi dayanıqlılığın təmin edilməsi məqsədilə ölkə iqtisadiyyatı üçün əhəmiyyətli ekzogen göstəricilər kimi qiymətləndirilə bilən neftin qiyməti və büdcə xərcləri üzrə bir neçə ssenarinin tətbiq edilməməsi qeyri-müəyyən dünya iqtisadiyyatı və bu qeyri-müəyyənliyə həssas olan neft qiymətləri şəraitində xüsusilə aktual olub, makroiqtisadi çərçivənin bir variantda hazırlanması iqtisadi şərtlərin pisləşməsi səbəbindən iqtisadi nəticələri dəqiq müəyyənləşdirmək imkanını çətinləşdirib.

"Report” xəbər verir ki, bu barədə Hesablama Palatasının "2020-ci il dövlət büdcəsinin icrası haqqında” qanun layihəsinə və büdcənin icrasına dair illik hesabata verdiyi Rəydə bildirilir.

"Hesabat ilinin 1-ci rübündə dünya bazarlarında neftə olan tələbin kəskin azalması fonunda hasil olunan neft həcminin artırılması ilə neft qiymətlərində antirekordların izlənməsi, ölkə daxilində yeni növ koronavirus infeksiyasının qeydə alınması ilə mübarizə tədbirlərinə start verilməsi daxili və xarici tələb amillərində şok effekti yaradıb, bununla da əksər proqnoz göstəriciləri və baxılan dövrün sonuna açıqlanmış statistik göstəricilər arasında kənarlaşma kifayət qədər böyük olub. Eyni zamanda, virusla mübarizə tədbirlərinin gücləndirilməsi, həmçinin virusun ölkə iqtisadiyyatına ötürdüyü neqativ təsirlərin yumşaldılması, sosial problemlərin həlli məqsədilə büdcə layihəsinə dəyişikliklərin edilməsi labüd olub və ilin ortalarında büdcə parametrlərinə yenidən baxılması qərarı qəbul edilib.

Təqdim olunmuş "Büdcə zərfi”nə (dövlət büdcəsinin layihəsi ilə birlikdə hazırlanan və təqdim olunan sənədlər) əsasən, 2020-ci il və növbəti üç il üzrə hazırlanmış makroiqtisadi çərçivədə 2020-ci il üzrə iqtisadi artımın 3,0% olacağı proqnozlaşdırılsa da, sonradan real şərtlər nəzərə alınmaqla büdcə layhəsinə dürüstləşmələr zamanı ÜDM üzrə də proqnozlara dəyişiklik edilib, real ifadədə ÜDM-in 5,0% azalacağı proqnozlaşdırılıb. Həmçinin, yenidən baxılma zamanı makroiqtisadi çərçivə üçün mühüm ekzogen parametr olan xam neftin dünya bazar qiyməti 20 vahid azaldılaraq, 35 ABŞ dolları səviyyəsində qərarlaşdırılıb”, - deyə Rəydə qeyd olunub.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA