mumtv.az
mumtv.az

"Neftçi"nin baş məşqçisi yubiley oyununa çıxıb

26-04-2021, 13:26 81 dəfə baxılıb

Neftçinin baş məşqçisi yubiley oyununa çıxıb
Samir Abasov

MUMtv.az: - "Neftçi”nin baş məşqçisi Samir Abasov karyerasında 150-ci oyununu keçirib.

"Report" Peşəkar Futbol Liqasının rəsmi saytına istinadən xəbər verir ki, bu, Premyer Liqanın XXIV turunun "Sabah”la görüşünə təsadüf edib.

2:2 hesablı heç-heçə mütəxəssisin baş məşqçi karyerasında 38-ci sülh olub. "Neftçi”yə qədər "Sumqayıt”la "Zirə”də işləmiş Abasov 55 qələbə və 57 məğlubiyyətə şahidlik edib. 150 oyundan 133-ü Premyer Liqa, 17-si ölkə kubokunda baş tutub. Mütəxəssis "Neftçi”ni 17, "Zirə”ni 37, "Sumqayıt”ı 96 matça çıxarıb.

"Sabah"la oyun "Neftçi"nin futbolçusu Namiq Ələsgərov üçün də əlamətdar olub. O, paytaxt təmsilçisinin heyətində 30-cu qolunu vurub. Qarşılaşmada dubla imza atan yarımmüdafiəçinin ilk qolu onun "ağ-qaralar”ın heyətində yubiley sayılıb.

Paytaxt klubunda 119-cu matçına çıxan futbolçu ikinci dəfə fərqlənməklə qol sayını 31-ə çatdırıb. Bu qolların 28-i Premyer Liqa, 2-si ölkə kuboku, 1-i Avropa Liqasına təsadüf edib.

Ələsgərov "Neftçi”nin tarixində 30 və daha çox qol vuran 41-ci oyunçudur. Bu siyahıya Samir Ələkbərov (142), Anatoli Banişevski (136) və Yunis Hüseynov (103) başçılıq edir.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA