Gündəm
Gündəm / İdman
"Qalatasaray" onları göndərir
"Qalatasaray"ın yay transfer pəncərəsi üçün planları məlum olub.
MUMtv.az "Hürriyyət"ə istinadən xəbər verir ki, İstanbul təmsilçisi gözlənilən oyunu nümayiş etdirmədikləri üçün müdafiəçilər Marselo Saracci, Martin Linnes və Şener Özbayraklını komandadan göndərməyi planlaşdırır.
"Aslanlar" həmin mövqeyə yeni futbolçu da tapıb. Klub "Kristal Pelas"dan Patrik van Aanholtu heyətinə qatmaq istəyir. Aanholt 3 mövsümdür ki, İngiltərə klubunda oynayır. O, bu müddət ərzində 130 matçda 14 qol vurub və 6 qolun ötürməsini verib.
Qeyd edək ki, "Qalatasaray" Superliqanın turnir cədvəlində 61 xalla 2-ci yerdədir.