Gündəm


Vətən müharibəsi qaziləri əlillik dərəcəsinin təyinatından narazıdırlar. Onlar əlillik dərəcələrinin təyinatında müəyyən problemlər yaşadıqlarını və sənəd işlərindəki süründürməçiliklə bağlı sosial şəbəkələrdə öz narazılıqlarını bildirirlər. Bəzi qazilərimizin sözlərinə görə, onlar barəsində verilən qərar anlaşılan deyil. Məsələn, bir ayağını itirən, bədənində çoxsayda qəlpə gəzdirən qazimizə 3-cü qrup əlillik dərəcəsi təyinatı onlar üçün gözlənilməz olub.

Qeyd edək ki, bu problem bir müddət öncə Milli Məclisdə də qaldırılmışdı.

Əmək və Əhalinin Sosial Müdafiəsi Nazirliyinin (ƏƏSMN) mətbuat xidmətinin rəhbəri Fazil Talıblı AYNA-nın sorğusuna cavab olaraq deyib ki, Vətən müharibəsində yaralanmış qazilərimizin əlilliklərinin operativ, vaxtında, keyfiyyətlə və mərkəzləşmiş şəkildə aparılması məqsədilə Nazirlər Kabinetinin Qərarı ilə komissiya yaradılıb: "Əmək və əhalinin sosial müdafiəsi nazirinin sədrlik etdiyi komissiyaya aidiyyəti dövlət orqanlarının (müdafiə, səhiyyə nazirlikləri, TƏBİB və s.) səlahiyyətli şəxsləri daxil edilib. Komissiya hərbi qulluqçuları birgə əyani müayinədən keçirir, sənədləri sürətlə rəsmiləşdirir və ümumilikdə əyani müayinə əsasında əlilliklərini qiymətləndirir. Artıq 200-dən çox qazimizə ölkəmizin ərazi bütövlüyünün müdafiəsi ilə əlaqədar əlillik təyinatı aparılıb. Əlillik təyinatından sonra onlara birdəfəlik sığorta ödənişi edilir və Prezidentin aylıq təqaüdləri, əlilliyə görə aylıq pensiya və ya müavinətlər də proaktiv qaydada, yəni elektron sistem üzərindən, avtomatik təyin olunur”.

Qurumun rəsmisinin sözlərinə görə, əlilliklər I, II, III dərəcə üzrə təyin edilir: "Qanunvericilikdə hansı hallarda I, II və III dərəcə əlilik təyin edilməli olduğu konkret və aydın şəkildə göstərilib və qazilərimizə əlillik dərəcələri də məhz qanunvericiliyə uyğun şəkildə təyin edilir. Təyin olunan sosial ödənişlərə gəldikdə, I dərəcə müharibə əlillərinə Prezidentin aylıq təqaüdü (400 manat) və aylıq pensiya ödənilir. Bu pensiyanın orta aylıq məbləği 413,43 manatdır. Üstəgəl, I dərəcə əlilliyi olan şəxslərə qulluq edənlərə də təqaüd (50 manat) verilir. II və III dərəcə müharibə əlillərinə isə Prezidentin aylıq təqaüdü (II dərəcə üzrə 350 manat, III dərəcə üzrə 300 manat), əlillliyə görə pensiya (onların orta pensiya məbləğləri II dərəcə üzrə 396,36 manat, III dərəcə üzrə 276,24 manatdır), pensiya hüquqları olmadıqda, aylıq müavinət (II dərəcə üzrə 130 manat, III dərəcə üzrə 110 manat) verilir. Bu kateqoriyadan olan şəxslər dövlət tərəfindən mənzillə və avtomobillə təmin olunmaq hüququna malikdirlər. Onlar üçün digər bir sıra sahələrdə də imtiyaz və güzəştlər müəyyən olunub”.

Milli Məclisin Səhiyyə komitəsinin üzvü Məlahət İbrahimqızının AYNA-ya dediyinə görə, o, bu məsələni Parlamentdə qaldırıb: "Qeyd etmişdim ki, 4 aya yaxındır müharibədə zəfər qazanmışıq, amma əlilliyin təyin olunması məsələlərində problemlər qalır. Vətən müharibəsində könüllü əyninə hərbi paltar geyinənləri, ordumuzun əsgərlərini bu qədər gözlətmək düzgün deyil. Müvafiq qurumlar onların əlillik dərəcələrini tezliklə təyin etmək üçün işlər görməlidir. Vətən müharibəsində iştirak edənlərin əlillik dərəcəsi ilə adi insanlara verilən əlillik dərəcəsi eyni olmalı deyil”.

"Bir çox ölkələrdə bu, fərqli qaydada tətbiq edilir. Məsələn, Türkiyədə müharibədə iştirak edənlərlə bağlı 6 əlillik dərəcəsi tətbiq edilir. Avtoşluq edib əlil olan şəxslə Vətən müharibəsində sağlamlığını itirən şəxsə eyni yanaşma tətbiq etmək olmaz. Bu məsələ aidiyyəti qurumlarda baxılmalıdır”, - deputat bildirib.

İbrahimqızının sözlərinə görə, dövlət başçısının həyata keçirdiyi sosial və humanitar layihələr, istər Birinci Qarabağ müharibəsi, istərsə də İkinci Qarabağ müharibəsi iştirakçıları ilə bağlı gördüyü işlər təqdirəlayiqdir: "Baxmayaraq ki, bizdə əlillik qanunvericiliklə - istər məişətdə aldığı, istərsə də müharibə zamanı aldığı əlillik eyni cür təyin olunur. Amma avtoqəza nəticəsində əlil olmuş insanlarla, müharibədə əlil olmuş insanların malik olduqları imtiyazlar eyni deyil. Hər iki Qarabağ müharibəsi qazilərinə kifayət qədər imtiyazlar da verilib. Məişətdə zədə alan insanın 1 və ya 2-ci qrup əlilliyinin olmasına baxmayaraq, onların mənzil və ya avtomobillə təmin olunmaları kimi imtiyazları yoxdur. Düzdür, mən bu problemi parlamentdə qaldırmışdım. Biz hər iki Vətən müharibəsi qazilərinə daha çox imtiyazların verilməsini öz arzu və istəyimizdən, onlara olan hörmətimizdən dolayı istəmişik. Bunu da dövlətimizin imkanlarından qaynaqlanaraq istəmişik”.

Millət vəkili bu sahədə müəyyən çatışmazlıqların da olduğunu vurğulayıb: "Düzdür, müəyyən çatışmazlıqlar var, qazilərimizin sənədləşmə işlərində gecikmələr olur. Bu da pandemiya və müharibənin təsiri ilə bağlı oldu. Pandemiya zamanı gözlənilmədən müharibə başladı. Müəyyən problemlər yarandı. Amma bu, o demək deyil ki, dövlətimiz Qarabağ qaziləri və şəhid ailələrinə diqqətsiz yanaşır. Hətta, cənab Prezident YAP-ın 7-ci qurultayında da qazilərimiz və şəhid ailələrinin ən yaxın zamanda mənzil problemlərinin tamamilə həll olunacağını vurğuladı. Əlbəttə, istərdik ki, Vətən uğrunda canlarını fəda edənlərə daha çox qayğı göstərək”.

Əlilliyin təyinatı ilə bağlı məsələyə gəldikdə, deputat bildirib ki, o, ƏƏSMN-in əməkdaşı və ya əlilliyi təyin edən ekspertizada yer alan nümayəndə olmadığı üçün bu sualı cavablandıra bilməyəcək.

Son xəbərlər

Gəncədə dəfn ilə bağlı qeyri-adi inanclar (VİDEO)

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Prezident avtomobil yolları ilə bağlı fərmanda dəyişiklik etdi

Gəncə İcra Başçısı haqda maraqlı iddia və maşın kolleksiyası - Dövlət büdcəsini evinə daşıyıb ki...

Bakıda bu səbəbdən torpaq kəskin ucuzlaşdı

Arıqlama dərmanı qadınlarda kütləvi hamiləliyə səbəb olub

Yaşayış binalarında da parklanma yerləri bahalaşdı

İki rəis işdən çıxarıldı, direktora şiddətli töhmət verildi

“Paşinyan qaçacaq, ətrafı isə...” – İrəvanda hakim partiya üzvləri qorxudulur

Təxribata meyilli qruplar adətən sosial şəbəkə üzərindən ilk addımı atırlar

"Bu tələblər yerinə yetirilməyənə qədər əsirlər azad edilməyəcək" - HƏMAS sözçüsü

“Azneft” İstehsalat Birliyinə yeni baş direktor təyin edilib

Nikol Paşinyan: Ermənistan mühacirətdə olan “Dağlıq Qarabağ hökuməti"ni tanımır

Dollara tələbin artmasının səbəbləri açıqladı

Azərbaycanda işığın qiyməti ucuzlaşa bilər (VİDEO)

Azərbaycanda işığın qiyməti ucuzlaşa bilər (VİDEO)

Vüqar Qurbanovdan yeni baş həkim TƏYİNATI

Daşaltıda itkin düşmüş daha 73 nəfərin adı açıqlanacaq - Əli Nağıyev

Boşanma zamanı əmlakın bölünməsi ilə bağlı daha bir yenilik - VİDEO

Bu gün milli təhlükəsizlik orqanlarının əməkdaşlarının peşə bayramıdır

Bu gün ilk Qədr gecəsidir

Vətəndaşların nəzərinə: Bakıda və üç rayonda qazın verilişində məhdudiyyət olacaq

Bakıda Rusiya Kino Günləri keçiriləcək

Ermənistan bu kəndi Gürcüstana qaytarmağa hazırlaşır

Sabunçunun problemlərinə qurumlar ADİL yanaşmır - Altından sərvətlər çıxan bu ərazilərin üstü kimlərin marağına xidmət edir? // VİDEO

Sabunçunun problemlərinə qurumlar ADİL yanaşmır - Altından sərvətlər çıxan bu ərazilərin üstü kimlərin marağına xidmət edir? // VİDEO

Fransa səfiri Kəlbəcərlə sərhəddə

Vüqar Kərimovla iş adamı Tehran Lətifovun işbirliyi Şəkidə nə qədər ağacın kəsilməsinə səbəb olub

Etirazçılar Pentaqon rəhbərinin evinin qarşısına peyin səpiblər

Orduda müddətdən artıq həqiqi hərbi xidmət keçmək istəyənlərin NƏZƏRİNƏ

Paşinyan üçtərəfli görüş üçün Brüsselə gedəcək

Havadan atılan yardımlar faciəyə səbəb oldu - VİDEO

Bütün xəbərlər