Bu gün redaksiyamıza  Ağsu rayon sakini, Qarabağ veteranı Məmmədov Fəyyaz Adıgözəl oğlu tərəfindən müraciət daxil olmuşdur. Müraciətdə bildirilir ki,mənzilində təbii qazın olmaması,vətəndaşın işsizliyi və mənzilinin əhatəsində hasar olmadığı üçün hər an vəhşi heyvanların qorxusu altında olmaları barədə ölkə Prezidentinə və birinci Vitse Prezidentə məktub ünvanlayıb.Həmin məktubu olduğu kimi sizlərə təqdim edirik:

                                                     Azərbaycan Respublikasını Prezidenti cənab İlham Əliyevə

                                                Sürəti: Azərbaycanın birinci Vitse Prezidenti Mehriban xanım Əliyevaya

                                                            Ağsu rayon Mirzağa Əliyev ünvanında yaşayan Qarabağ 

                                                              müharibə veteranı Məmmədo Fəyyaz Adıgözəl oğlu tərəfindən

                                                                               ƏRİZƏ

Hörmətli cənab Prezident!

        Mən Qarabağ veteranı Məmmədov Fəyyaz Adıgözəl oğlu 3 azyaşlı körpə uşaq atasıyam. Heç yerdə işləmirəm və Dövlət tərəfindən veteranlar üçün verilən 80 manat təqaüdlə dolanıram. Yaşayış durumum olduqca acınacaqlı vəziyyətdədir. 

Ötən ilin son aylarına qədər,doğulub boya-başa çatdığım Ağsu rayonunda mənə məxsus nə torpaq sahəsi nə də ki,yaşamağım üçün mənzilim vardır. Bu günə qədər başqasına məxsus insan yaşayışı üçün əlverişsiz uçuq-sökük bir daxmada ailəm ilə birlikdə yaşayırdıq. Yaşadığım acınacaqlı durumumla bağlı bütün aidiyyatı qurumlara rəsmi və şifahi müraciətlər etmişdim. Təəssüflər olsun ki,etdiyim müraciətlərə heç bir məhəl qoyulmurdu. Nəhayət ki,sonunda qərara aldım ki,mətbuat vasitəsi ilə həm sizə həm də bütün aidiyyatı qurumlara müraciət ünvanlayım. Mətbuat vasitəsi ilə etdiyim çoxsaylı müraciətlər sonunda nəticəsini tapdı və Heydər Əliyev Fondu tərəfindən qeyd etdiyim ünvanda mənim üçün müasir tipli gözəl bir mənzil inşa edildi. Amma bir məsələni də diqqətinizə çatdırım ki,mənim üçün inşa edilən mənzil,sabiq icra başçısı Ənvər Seydəliyevin zamanında həyata keçirilmişdir. Məlumat üçün bildirim ki,mənzil inşa edildikdən sonra kommunal xidmətlər bərpa olunmamış qalmışdır. Bu haqda mənə lazımi köməklik göstərməsi üçün rayon İcra hakimiyyətinə müraciət etmişdim. Əfsuslar olsun ki,sabiq icra başçısı Ə.Seydəliyev bu müraciətimə də heç bir köməklik göstərməmişdir. Nəhayət,bu dəfə də köməyimə xeyirsevər isanlar yetişdi və elektirik enerjisi və içməli su xətlərim bərpa edildi. Amma təbii qazın çəkilməsi bu günə qədər öz həllini tapmayıb.

Çox hörmətli cənab Prezident! 

Mən F.Məmmədov Qarabağ müharibə iştirakçısı olmağımla yanaşı həm də Yeni Azərbaycan Partiyasının üzvüyəm. Sizin siyasətinizi daima dəstəkləmişəm və hər zaman sizin göstəriş və əmrlərinizə bir döyüşçü kimi hazıram. Odur ki,sizdən bir Qarabağ müharibə veteran  və Yeni Azərbaycan Partiyasının üzvü kimi xahiş edirəm ki,rayon İcra başçısı Vahid Tağıyevə göstəriş verəsiniz ki,rayonda müvafiq işlə təmin olunmağıma və mənzilimə təbii qazın çəkilməsi üçün mənə lazımı köməkliyi göstərsin. Əlbəttə ki,İcra başçısı V.Tağıyev vəzifəyə təyin olunduğu gündən etibarən 5 dəfə qəbulunda olmuşam və işsizliyim haqqında və mənzilimə təbii qazın çəkilməsinə dair müəyyən köməklik göstərməsini xahiş etmişəm. Çox təəssüflər olsun ki,heç bir köməklik göstərməyib.

                                                                                        Məmmədov Fəyyaz                                                                                24.08.2020