Gündəm
Ətin qiyməti bahalaşacaq-AÇIQLAMA
Azərbaycanda ət məhsullarına tələbat artıb karantin tədbirlərinin bütövlükdə kənd təsərrüfatı sektorunun inkişaf sürətinə mənfi təsirinə baxmayaraq, heyvandarlıq sektorunda 3,2 faiz artım qeydə alınıb.
Avropa, Türkiyə, İrandan ət məhsullarının idxalının və bir sıra postsovet ölkələrindən təhlükəli heyvan xəstəlikləri səbəbindən ət tədarükünün nəzərəçarpacaq dərəcədə azalması daxili bazarda istehsalı stimullaşdırıb. Mütəxəssislər hesab edir ki, ölkədə iaşə obyektlərinin bərpası ətə olan tələbatın sürətli artımına da təsir edir.
Mumtv.az bildirir ki,mövzu ilə bağlı Sonxeber.az-a iqtisadçı ekspert Akif Nəsirli açıqlama verib. "Qarşıdan ətə tələbatın artdığı bir mövsüm gəlir. Artıq kənd təsərrüfatı məhsullarının mövsümü demək olar ki, 2 aydan sonra başa çatır. Azərbaycanda idxal əti bazarda əsas yer tutmur. Çünki idxal ətinin böyük əksəriyyəti daxili bazar üçün nəzərdə tutulmayıb. Bu bazar üçün nəzərdə tutulan yerli ət idxalı, Gürcüstan və digər ölkələrdən gətirilən diri heyvanlardır. Bu isə yüksək rəqəmlə ifadə olunmur. Ölkənin daxili bazarında qiymətin artmasına bir başa təsir edən amil ölkənin daxili potensialıdır. Ölkə daxilində ət istehsal ilbəil azalmaqda davam edir.
Azərbaycanda bu tendensiya davam etsə, gələcəkdə ətin bahalaşmasını müşahidə edəciyik. Xaricdən idxal edilən ət də ölkəyə baha başa gəlir. Ona görə də Azərbaycanda qarşıdakı aylarda ətin qiymətində bahalaşma müşahidə ediləcək. Bahalaşmanın qarşısının hansısa inzibati yolla və ya qərarla ala bilmərik. Bu məsələnin qarşısını almaq üçün uzun müddətli prosses getməlidir. Ölkənin daxili istehsalı artmalıdır. Bunun üçün də uzun müddət lazımdır.
2015-ci ildən bu günə qədər ət istehsalı minumum həddə enib. Bundan sonra bu sahəni stimullaşdırıb, inkişaf elətdirməyə 4-5 il lazımdır. Kənd təsərrüfatında heyvandarlığın inkişafına dövlət qayğısı göstərilməlidir. Bu sahənin inkişaf etdirilməsinə mane olan səbəblər aradan qaldırılmalıdır. Əks halda bahalaşma davam edəcək".