Bakıxanov adına Tarix və Etnologiya İnstitutunda daha bir qalmaqal baş verib.

MUMtv.az: - Bu barədə "Təzadlar"a AMEA-dan bildirilib. Belə ki, bu günlərdə "Azərbaycan Respublikasının tarixi" şöbəsinin müdiri Əmrahov Mais İsrafil oğlu ilə şöbənin qadın əməkdaşlarından biri (adını hələki açıqlamırıq) arasında mübahisə o həddə çatıb ki, söyüş və təhqirlər səslənib. Əldə etdiyimiz məlumata görə, bu cür hallar institutda artıq adi hala çevrilib və xüsusilə Kərim Şükürovun direktor təyin olunmasından sonra qadın alimlərə qarşı açıq-aşkar təzyiq mühiti yaranıb. Hansı ki, iki həftə əvvəl də oxşar hadisə baş vermişdi. Media olaraq K.Şükürova elektron sorğu göndərsək də, həmin vaxt cavab verilməmişdi. İndi də elə...

***

Qeyd edək ki, sən demə, insidentin əsas səbəbi şöbə müdirinin yenicə elmlər doktorluğunu müdafiə etmiş, lakin təsdiqini hələ almamış qadın əməkdaşı qısqanması və onun gələcəkdə şöbə müdiri vəzifəsinə iddialı olmasından çəkinməsidir. Bu vəziyyətdə Mais Əmrahovun "gözünün odunu almaq" adlandırılan qeyri-rəsmi basqı siyasətinə əl atdığı bildirilir. Tarix İnstitutunda qadın alimlərə qarşı bu cür mənəvi basqı halları artıq sistematik bir problemə çevrilib.

Qeyd etmək istəyirik ki, qadın əməkdaşın yaşadığı ağır stress və mənəvi travmanı nəzərə alaraq onun adını açıqlamırıq. Lakin bu vəziyyət təkcə fərdi məsələ deyil, bu, institut daxilindəki idarəetmə mühitinin və akademik dəyərlərin ciddi şəkildə pozulduğunu göstərir. Biz, akademik ictimaiyyət və mətbuat nümayəndələri olaraq, AMEA-nın və Tarix İnstitutunun rəhbərliyindən xahiş edirik ki, bu cür hallara son qoyulsun və qadın alimlərə qarşı açıq-aşkar diskriminasiya və təzyiq siyasətinə qarşı ciddi tədbirlər görülsün. Elm və təhsil ocaqları belə neqativ hallara səhnə olmamalıdır!

Direktor Kərim Şükürovun və şöbə müdiri Mais Əmrahovun da mövqeyini dinləməyə hazırıq.//Təzadlar