Mövsümi dəyişikliklər immunitetinizə təsir edə və temperatur dəyişdikcə qrip infeksiyalarına tutulma riskiniz arta bilər. İmmuniteti gücləndirmək və öskürək, bəlğəm kimi problemlərlə mübarizə aparmaq üçün evdə təbii tərkibli bir çox qarışıqlar hazırlamaq mümkündür.

"MUMtv.az" öskürək və bəlğəm kimi problemlər üçün təbii tərkibli qarışıqları təqdim edir:

İlıq su, bal və limon qarışığı
Bal və limon öskürəklə mübarizə aparmaq üçün istifadə olunan klassik qarışıqdır. Bal təbii antibakterial xüsusiyyətləri ilə boğazı sakitləşdirməyə və öskürəyi azaltmağa kömək edir. C vitamini ilə zəngin olan limon immunitet sistemini gücləndirir və bəlğəmin parçalanmasına yardımçı olur. Bunu hazırlamaq üçün bir stəkan ilıq suda bir xörək qaşığı balı yarım limonun suyu ilə qarışdırın. Öskürəyi aradan qaldırmaq və boğazı sakitləşdirməkdə bu qarışıq olduqca faydalıdır.

İsti zəncəfil çayı
Zəncəfil faydalı birləşmələrinə görə güc mərkəzi hesab olunur. Onun antibakterial və antimikrobiyal xüsusiyyətləri onu infeksiya və ya iltihab nəticəsində yaranan öskürəyə qarşı xüsusilə təsirli edir.

İlıq südə bir çimdik zərdəçal
Güclü antiinflamatuar və antioksidant xüsusiyyətləri ilə tanınan zərdəçal qrip əleyhinə əvəzolunmaz hesab olunur. Zərdəçallı süd öskürək və soyuqdəymə üçün ənənəvi vasitədir. Bir fincan qızdırılmış südə bir çay qaşığı zerdeçal tozu əlavə edərək bu qarışığ hazırlamaq mümkündür. Yatmazdan əvvəl bu qarışığı içmək iltihabı azaltmağa və imuniteti gücləndirməyə kömək edir.

Duzlu su ilə qarqara
Duzlu su ilə qarqara boğaz ağrısı və öskürək üçün ən asan və təsirli həll yollarından biridir. Duz iltihabı azaltmağa və bakteriyaları öldürməyə kömək edir.

Reyhan çayı
İltihab əleyhinə, antibakterial və antiviral təsirlərə malik olan bu qarışıq öskürəyin müalicəsi üçün əla seçimdir. Reyhan çayı hazırlamaq üçün bir ovuc təzə reyhan yarpağını qaynar suda 5-7 dəqiqə dəmləyin. Çayı süzərək gündə bir və ya iki dəfə için. Reyhan çayı bəlğəmi təmizləməyə, iltihabı azaltmağa və immunitet sistemini gücləndirməyə kömək edəcək.

Sarımsaq və bal
Sarımsaq infeksiyalarla mübarizə aparmağa və öskürəyi azaltmağa kömək edən təbii antibakterial xüsusiyyətlərə malikdir. Bal ilə birləşdirildikdə güclü dərman effekti yaradır. Bir neçə diş sarımsağı əzin və bal ilə qarışdırın. Qarışığı dəmlənməsi üçün bir neçə saat gözlədin. Bu qarışıqdan gündə bir və ya iki dəfə bir çay qaşığı qəbul edin. Ağır dadı ola bilər, lakin öskürəyin qarşısının alınmasında olduqca faydalıdır.

Bol su istehlakı
Bol su istehlakı boğazın nəmli qalmasına və öskürəyin idarə edilməsində mühüm rol oynayır. Boğazınızı nəmli saxlamaq və bəlğəmin zəifləməsinə kömək etmək üçün gün ərzində bol su içmək vacibdir. Bundan əlavə, otaqda nəmləndirici istifadə etmək havanı nəm saxlamağa, boğazın qıcıqlanmasını azaltmağa və öskürəyi aradan qaldırmağa kömək edə bilər.