Kommunal xidmətlərin qiymətinin qaldırılması Tarif Şurasının qərarına bağlıdır. Əgər hökumətlə ümumi bir razılıq əldə olunarsa, təbii ki, qiymətlərdə artım müşahidə etmək qaçılmazdır.

Bu sözləri Demokrat.az- açıqlamasında iqtisadçı ekspert Xalid Kərimli deyib. O bildirib ki, hökumət istəsə kommunal xidmətlərin qiymətini qaldıracaq, istəməzsə,yox:

“İqtisadçı kimi onların qiymət artımın olacağı ilə bağlı proqnoz verməyim düzgün olmaz. Amma nəzərinizə çatdırım ki, qazın dünya qiymətləri düşüb. Neftin qiymətinə gəlincə, stabilləşib, amma benzinin, dizel yanacağının qiyməti artırıldı. Neftin qiyməti 2021-2022-ci ilə görə daha aşağıdır. Amma qiymət qaldırıldı. Digər kommunal xidmətlərə gəlincə, düşünmürəm ki, hazırkı dönəmdə qiymətlərin artmasına xüsusi ehtiyac var. Güman edirəm ki, hazırkı dönəmdə artım dalğasının olması mümkünsüzdür. Dediyim kimi, hazırda əhəmiyyətli dərəcədə kommunal xidmətlərin qiymətlərini artıracaqlarını güman etmirəm. Amma bu o demək deyil ki, növbəti aylarda belə bir addım atılmayacaq.