“Özümü çox pis hiss edirəm, başıma bir iş gələrsə, Azərbaycan Respublikasının Təhsil İnstitutu günahkardır”.

"MUMtv.az" Yenicag.az-a istinadən xəbər verir ki, bunu Təhsil İnstitutunun Əlavə təhsilin məzmunu şöbəsinin keçmiş müdiri, filologiya üzrə fəlsəfə doktoru Könül Nəhmətova sosial media hesabıda yazıb.
Alim bildirib ki, onun vəzifəsi hiylə və zorakılıqla əlindən alınıb:

“Ayaqda qalmaq üçün 3 yerdə işləyirdim. Onun hesabına ildə bir dəfə Malatyaya müayinəyə gedə bilirdim. İş başındakı qanunsuzluqlara və dərsliklərdəki səhvlərə etirazlarıma görə ETN və ARTİ hiylə və zorakılıqla bütün vəzifələrimi əlimdən çıxardı. Bu gün həkim müayinəsinə ehtiyacım var, gedə bilmirəm. Burada qaraciyər cərrahları mənə yaxın durmurlar, çünki bu əməliyyat dünyanın ən ağır əməliyyatıdır, xəstənin keçmişini bildikləri üçün onu izləmək öz həkimlərimin öhdəsinə düşür. Mənə qalib gəlməyinizlə doyunca fəxr edin!”

Qeyd edək ki, Təhsil İnstitutunda struktur dəyişikliyi edilmiş və Könül Nəhmətovanın müdiri olduğu Əlavə təhsilin məzmunu şöbəsi ləğv edilmişdi. Təhsil və xüsusilə dərsliklərlə bağlı tənqidi çıxışlara yer verən alim onun sıxışdırılmasını məhz bununla əlaqələndirir.

Onu da bildirək ki, Könül Nəhmətovanın qaraciyər xəstəliyindən əziyyət çəkir.