Gündəm
Gündəm / Cəmiyyət / Mədəniyyət
Filarmoniyada korrupsiya yoxlamaları aparılır — Vəzifəli şəxslərin izahatı alındı
![Filarmoniyada korrupsiya yoxlamaları aparılır — Vəzifəli şəxslərin izahatı alındı Filarmoniyada korrupsiya yoxlamaları aparılır — Vəzifəli şəxslərin izahatı alındı](https://dogruxeber.az/uploads/posts/2024-07/thumbs/1720097541_1720092570_0001.jpg)
Baş prokuror yanında Korrupsiyaya qarşı Mübarizə Baş İdarəsi tərəfindən Müslüm Maqomayev adına Azərbaycan Dövlət Akademik Filarmoniyasında yoxlama həyata keçirilir.
"MUMtv.az" KONKRET.az-a istinadən xəbər verir ki, yoxlama zamanı Filarmoniyanın bir neçə vəzifəli şəxsinin izahatı alınıb. Onların arasında Filarmoniya direktorunun müavini Ayla Kərimovanın da adı hallanır.
Məsələ ilə bağlı Ayla Kərimova Demokrat.az-a açıqlamasında faktı nə təkzib, nə də təsdiq edib.
O, məsələ ilə bağlı danışmaq istəmədiyini deyib:
“Bu barədə heç bir məlumatım yoxdur”.
Qeyd edək ki, Müslüm Maqomayev adına Azərbaycan Dövlət Akademik Filarmoniyasının direktoru Xalq artisti Murad Adıgözəlzadədir.
O, Azərbaycanı 2009-cu ildə Moskva şəhərində keçirilən 54-cü Avroviziya Mahnı Müsabiqəsində təmsil etmişdir və 207 xalla 3-cü yeri tutmuş Aysel Teymurzadənin həyat yoldaşıdır.