Qazax Rayon İcra Hakimiyyəti başçısı Rəcəb Babaşovun birinci müavini Məmməd Alıyev yenidən "gündəm" olub.

"MUMtv.az" 32gun.az -a istinadən xəbər verir ki, rayonun ən aktiv səhifəsi "Qazaxlılar"da edilən paylaşım diqqət çəkib.

Həmin paylaşımı olduğu kimi diqqətə çatdırırıq:

"Səhifəmizə daxil olan şikayətlərdə vətəndaşlar Məmməd Alıyevin özbaşınalıqlarından təngə gəldiklərini bildiriblər. İllərdir ki, yuxarıdakı adamlarına güvənərək vətəndaşlara hədə-qorxu gəlir. Bir tədbir olduqda idarə və müəssisələrə zəng edib gəlməyəcəkləri halda işdən çıxarmaqla hədələyir. Rayon icra başçısını da, rayon polis şöbəsinin rəisini də, rayon prokurorunu da barmağında oynadır. Kimdən xoşu gəlmirsə bir zənglə işini bitirir.
Ən son keçirilən qanvermə aksiyasında da bənzər problemlər yaşanıb".

Xatırladaq ki, M.Əliyev pandemiya dövründə oğluna mal-çağırlı toy etməsi, bəlıdiyyə sədri olan bacısı oğluna xəstəxanada əlavə iş verdirməsi və oğlu Elnur Alıyevə 120 min dollarlıq “Land Cruiser” avtomobili alması ilə gündəm olmuşdu.