Federasiya Şurasının sədri Valentina Matvienko bildirib ki, Rusiyanın enerji resurslarına dünyada tələbat var və bəzi Avropa dövlətləri hələ də üçüncü kanallar vasitəsilə Rusiya neft və qazını alırlar.

"MUMtv.az" Qaynarinfo-ya istinadən xəbər verir ki, o, bunu Rusiya baş nazirinin müavini Aleksandr Novakın iştirakı ilə keçirilən "Açıq dialoq” zamanı deyib.

"Avropa ölkələri Rusiyadan tədarükdən imtina etməklə bizi cəzalandırmaq istədilər, lakin sonda bir çox digər sahələrdə olduğu kimi, öz iqtisadiyyatlarına da zərbə vurdular”, - Matvienko bildirib.

O, əlavə edib ki, Rusiya hökumətinin səriştəli tədbirləri sayəsində enerji təchizatının perspektivli və mehriban coğrafiyasını yaratmaq mümkün olub.

Bundan əvvəl baş nazirin müavini Aleksandr Novak bildirib ki, keçən il Rusiya qazının boru kəmərləri ilə ixracı ötən illə müqayisədə 29,9%, Rusiyanın mayeləşdirilmiş təbii qaz ixracı isə keçən il 1,9% azalıb.

Avropaya LNG tədarükü isə son 3 ayın ən aşağı səviyyəsinə düşüb.