Qoz və badam kimi çərəzlər antioksidantlarla zəngindir və yaddaş funksiyasını artırmaq qabiliyyətinə malikdir. Yaşıl yarpaqlı tərəvəzlər, xüsusilə ispanaq və brokolinin tərkibində fol turşusu var və yaddaşa müsbət təsir göstərə bilir.

"MUMtv.az" beynimizə yaxşı təsir edən və yaddaşı gücləndirən bəzi vasitələri təqdim edir:

Beyin üçün nələri yeməliyik?

Sağlam qidalanma beyin üçün vacibdir. Taxıllar, meyvə və tərəvəzlər, zülal qaynaqları (xüsusilə balıq, toyuq, yumurta, paxlalılar),təbii yağlar (zeytun yağı, avokado) və süd məhsullarını ehtiva edən balanslı bir pəhriz beyin funksiyalarını dəstəkləyir. Antioksidant tərkibli qida maddələri yüksək olan qidalar (məsələn, göyərti və böyürtkən kimi meyvələr) beyin sağlamlığına da müsbət təsir edir.

Həddindən artıq yağlı və duzlu qidalar beyin sağlamlığını riskə atır

Həddindən artıq yağlı və duzlu qidalanmaq beyinə mənfi təsir göstərir. Yağlı və duzlu qidaların (kartof qızartması, cips, işlənmiş ət məhsulları kimi) həddindən artıq istehlakı ürək-damar sağlamlığına da mənfi təsir edə bilər. Çox duz qəbulu təzyiqi artırır.

Bu da beyin damarları üzərində təzyiqə və mənfi təsirlərə səbəb olur. Həddindən artıq yağlı qidalar damarların tıxanmasına səbəb olaraq qan axınının qarşısını ala bilər, bu da adekvat oksigen və qida maddələrinin beyinə çatmasını məhdudlaşdıra bilər.

Kitab oxumaq beyin funksiyalarını dəstəkləyə bilər

Yaddaşı gücləndirmək üçün nə edilə biləcəyi ilə bağlı araşdırmalar nəticəsində yaddaşı gücləndirmək üçün mütəmadi olaraq zehni məşqlər etmək vacibdir. Kitab oxumaq, tapmacalar həll etmək, öyrənməyə əsaslanan oyunlar oynamaq kimi fəaliyyətlər beyin funksiyalarını dəstəkləyə bilər. Bundan əlavə, kifayət qədər yatmaq, stressdən qaçmaq və nizamlı idman etmək yaddaşa da müsbət təsir göstərir.

Kifayət qədər yuxu yatmaq

Yuxunun yaddaş üçün əhəmiyyətinə toxunan mütəxəssislər yuxunun yaddaşın gücləndirilməsində kritik rol oynadığını qeyd ediblər. Yuxu zamanı beyin yaddaşdakı məlumatları emal edir, nizamlayır və gücləndirir. Kifayət qədər yuxu öyrənilən məlumatların uzun müddət yaddaşda qalmasına kömək edə bilər. Yuxusuzluq isə konsentrasiyanı azaldır və yaddaş qabiliyyətinə mənfi təsir göstərir.

B12 vitamininin yaddaşa müsbət təsirləri var

Son olaraq hansı vitaminlərin yaddaşa faydalı olduğunu açıqlayan mütəxəssislər : "Bəzi vitaminlər yaddaşı gücləndirə bilər. Xüsusilə B qrupu vitaminləri, xüsusilə B6, B9 (fol turşusu) və B12 vitaminləri sinir sistemi funksiyalarını dəstəkləyir və yaddaşa müsbət təsir edə bilər. Bundan başqa, C və E vitaminləri, antioksidan xüsusiyyətlərə sahib olan, "Beyin sağlamlığını qoruya bilər. Bu vitaminləri ehtiva edən qidaları nizamlı olaraq istehlak etmək yaddaş funksiyasını dəstəkləyə bilər”.