Sankt-Peterburq yaxınlığındakı böyük qaz terminalında PUA hücumundan sonra yanğın baş verib. 

"MUMtv.az" xarici KİV- ə istinadən xəbər verir ki, yanğın Ust-Luqa limanında yerləşən "Novatek" şirkətinin terminalında qeydə alınıb. 

Leninqrad qubernatoru Aleksandr Drozdenkonun sözlərinə görə, hadisə nəticəsində xəsarət alan olmayıb, ekipaj təxliyə edilib.

Kinqisepsk rayonunda yüksək hazırlıq vəziyyəti elan edilib. Əməliyyat qərargahı yaradılıb. Hadisə yerində yanğınsöndürənlər və təcili yardım maşınları işləyir.