Baltikyanı ölkələr - Estoniya, Latviya və Litva Rusiya Federasiyası ilə sərhəddə "müdafiə xətti" yaratmağa razılaşıb.

"MUMtv.az" xəbər verir ki, müvafiq bəyanat Estoniya Müdafiə Nazirliyinin rəsmi saytında dərc olunub.

Cümə günü, yanvarın 19-da Riqada üç ölkənin hərbi idarələri rəhbərlərinin görüşü baş tutub. Danışıqlar nəticəsində tərəflər öz sərhədlərində müxtəlif istehkamlardan ibarət təhlükəsizlik zonasının yaradılması haqqında saziş imzalayıblar.

Mövcud təhlükəsizlik vəziyyətindən ötəri Baltikyanı ölkələrin təşəbbüsünün həyata keçirilməsi lazımdır. Estoniyanın müdafiə naziri Hanno Pevkur vurğulayıb ki, Ukrayna münaqişəsi sursat və texnika ehtiyatı toplamaq və eyni zamanda respublikanın sərhədində "ilk metrlərdən" müdafiə strukturları yaratmaq zərurətini nümayiş etdirib.

"Biz bunu eston xalqının özünü təhlükəsiz hiss etməsi üçün edirik, lakin ən kiçik risk yaranarsa, biz ən müasir inkişaflara hazır olacağıq", deyə hərbi idarənin rəisi əlavə edib.

Yanvarın 16-da Estoniya Müdafiə Qüvvələrinin komandanı Martin Herem istefa vermək niyyətində olduğunu açıqlayıb. Onun sözlərinə görə, indi ordunu kənardan mümkün təhlükələrə daha yaxşı hazırlamaq üçün "lideri dəyişmək" vaxtıdır.