İngiltərədə ibtidai sinif müəllimi uşaqlara Şaxta Babanın olmadığını deyib. Bundan sonra məktəb rəhbərliyi üzr istəməli olub.

"MUMtv.az"  bu barədə "Daily Mail"ə istinadən xəbər verir.

Bornmutda bir ibtidai məktəb müəllimi Milad üçün kart hazırlayarkən uşaqlara Şaxta Babanın uydurma olduğunu deyib. Şagirdlərin valideynləri bildiriblər ki, uşaqlar evə pərişan gəlib və onlardan Şaxta Babanın olmamasının doğru olub-olmadığını soruşublar.

Həmin gün məktəb rəhbərliyi valideynlərdən üzr istəyib. Bəyanatda deyilir ki, müəllim işdən çıxarılıb və rəhbərlik onun hərəkətlərindən dərin məyus olub.

"Səmimi üzrlərimizi qəbul edin və bu məsələdə anlayışınıza görə təşəkkür edirik", deyə məktəbin mesajında bildirilib.

Lakin məktəblilərin valideynləri hələ də vəziyyətdən hiddətlənirlər.

"Hansı ağlı başında olan müəllim bunu balaca uşaqlara deyə bilər", deyə valideynlərdən biri bildirib.//Qaynarinfo