“Lerik broyler” MMC-yə inzibati protokol yazılıb.

"MUMtv.az"ın Pravda.az-a istinadən xəbərinə görə, protokol müvafiq qurum tərəfindən İnzibati Xətalar Məcəlləsinin 234.0.1-ci (Müvafiq icra hakimiyyəti orqanının xüsusi icazəsi olmadan atmosfer havasına zərərli maddələrin atılmasına görə fiziki şəxslər üç yüz manatdan yeddi yüz manatadək məbləğdə, vəzifəli şəxslər iki min beş yüz manatdan dörd min manatadək məbləğdə, hüquqi şəxslər yeddi min beş yüz manatdan on min manatadək məbləğdə cərimə edilir) maddəsinə əsasən tərtib olunub.

İş Masallı Rayon Məhkəməsinin hakimi Zeynal Zeynalovun sədrliyi ilə araşdırılacaq.

Qeyd: Şirkət Milli Məclisin deputatı İqbal Məmmədovun qardaşı Çingiz Məmmədova məxsusdur.