Gündəm

Bakıda tanınmış klinika xəstələri qanunsuz əməliyyat edir? - Nazirliklə Klinika arasında qalmaqal

MUMtv.az: - Bu yaxınlarda yerli mediada Azərbaycanın Xalq artistlərindən birinin gəlinin səhhətində ciddi problem yaranması barədə məlumat yayılmışdı.

Hadisə ilə bağlı Qaynarinfo-ya daxil olan məlumata görə, adının açıqlanmasını istəməyən xəstə "Laser Beauty” Klinikasının (LB Clinik) "Neapol” filialında estetik əməliyyat olunaraq evə buraxıldıqdan sonra - gecə saatlarında səhhəti qəfil pisləşib və komaya düşüb. Yaxınları xəstəni təcili Mərkəzi Gömrük Hospitalına aparıblar. Xəstə sözügedən hospitalda 10 gün koma vəziyyətində qalıb. Şükür ki, xəstə Gömrük Hospitalının həkimləri tərəfindən xilas oluna bilib.

Amma məlumatda diqqət çəkən məqam odur ki, xəstənin ilkin əməliyyat olunduğu "Laser Beauty" Klinikasının "Neapol” filialının estetik əməliyyatların aparılması üçün uyğun lisenziyaya malik olmadığı bildirilir.

Maraqlıdır ki, Səhiyyə Nazirliyinin Analitik Ekspertiza Mərkəzi də bu məlumatı təsdiq edib. Nazirlikdən Qaynarinfo-ya verilən açıqlamaya görə, "Neapol” filialına yalnız ambulator cərrahiyyə əməliyyatlarının aparılması üçün lisenziya verilib:

"Klinikada ancaq kiçik cərrahi, o cümlədən estetik müdaxilələrə icazə verilir. Amma böyük plastik cərrahiyyə və yaxud ümumi cərrahiyyə işləri görülə, estetik əməliyyatlar da oluna bilməz. Bir də ki, baxır əməliyyatın növünə. Hansısa yüngül işlər görülə bilər, amma məsələn, burun əməliyyatı, üzdə müəyyən dəyişikliklər və s. bunlar oluna bilməz. Bunların hər biri stasionar xidmət tələb edir, filialda isə ancaq ambulator cərrahiyyə var".

"Laser Beauty Klinikası”nın "Neapol” filialının baş həkimi Natavan Əmirova Qaynarinfo-ya açıqlamasında xalq artistinin gəlini ilə bağlı məlumatı təsdiqləməyib. Lisenziya ilə bağlı sualın cavabında isə deyib ki, rəhbərlik etdiyi filialın ümumi tibb fəaliyyət göstərməsinə lisenziyası var. Onun sözlərinə görə, lisenziyanın əlavəsində cərrahiyyə əməliyyatları aparılmasına icazə var:

"Bu məlumatlar Səhiyyə Nazirliyinin saytında da var və onu rahat şəkildə əldə etmək mümkündür. "Laser Beauty" Klinikasının "Neapol” filialının cərrahi əməliyyat etmək üçün hüququ və tam olaraq bunun üçün bütün şəraiti var. Lisenziya verilməzdən öncə Səhiyyə Nazirliyinin əməkdaşları bizim klinikada olublar, yoxlama aparıblar və ondan sonra klinikaya lisenziya verilib. Bununla yanaşı lisenziyanın əlavəsi də alınıb. Lisenziyanın əlavəsində də qeyd edilib ki, cərrahi xidmətlər göstərmək üçün bizim hər bir şəraitimiz var".

Səhiyyə Nazirliyinin açıqlamasını Natavan Əmirovanın diqqətinə çatdırdıqda isə baş həkim bildirib ki, cərrahi əməliyyat növləri heç bir lisenziyanın əlavəsində göstərilmir:

"Sadəcə, cərrahiyyə xidməti yazılır. Nazirlər Kabinetinin qərarı var. Həmin qərarın hazırlanmasında şəxsən özüm iştirak etmişəm. Ya icazən var, ya da yoxdur, vəssalam. Hansı əməliyyatlar aparıla biləcəyi barədə qeyd isə nə "Sağlamlığın qorunması haqqında” Qanunda, nə Nazirlər Kabinetinin hər hansı qərarında, nə də Səhiyyə Nazirliyinin əmrində var”.

Natavan Əmirova 2018-ci ildə İqtisadiyyat Nazirliyi tərəfindən klinikaya verilən lisenziyanı və onun 12 avqust 2022-ci il tarixli əlavəsinin surətlərini də redaksiyaya təqdim edib.

Qeyd edək ki, "Laser Beauty Clinic"in Bakı şəhərində 5 filialı mövcuddur. Klinika şəbəkəsinin direktoru Rəna Soltanovadır.

Bakıda tanınmış klinika xəstələri qanunsuz əməliyyat edir? - Nazirliklə Klinika arasında qalmaqal

Bakıda tanınmış klinika xəstələri qanunsuz əməliyyat edir? - Nazirliklə Klinika arasında qalmaqal


Son xəbərlər

`Canişin`in də ÖZ `CANİŞİN`İ var imiş... - Qara-qura işləri o görür...

Aydın Talıbov niyə deputat olmaq istəyir? – Qorxunun siyasətə atdığı biznesmen

Arxitektura Komitəsində “təmizləmə“ - Sədr Ramin Abdullayevdən qurtulur?

Sülh müqaviləsində konstitusiyaya istinad edilməyəcək

Azərbaycanda taksi sayına məhdudiyyət qoyula bilər

Bakının məşhur bazarı sökülür? — RƏSMİ AÇIQLAMA

Şəhidimiz Xaçmazda dəfn olundu — FOTO

Polşa hökumətinin iclasının planlaşdırıldığı otaqda dinləmə qurğusu aşkarlandı

Novruz Məmmədov işdən çıxarıldı

Qırmızı və çox işlənmiş ət xərçəng riskini artırır

Yoxlama aparıldı, direktor müavini işdən çıxarıldı

Zakir İbrahimov 3-cü “Yüksəliş” müsabiqəsinin qalibi ilə görüşüb - FOTO

Paşinyan İlham Əliyevin bu ideyası ilə razı olduğunu AÇIQLADI

"Azərbaycan təbii qazını Avropaya etibarlı yollarla nəql edir" - Prezident

600-dən çox sürücüyə taksi fəaliyyəti üçün icazə verildi

Bu məsələyə görə inzibati məsuliyyət müəyyənləşir

Azərbaycanda bu şəxslər 12 min manat cərimə ediləcək

Azərbaycan-Slovakiya sənədləri imzalandı

Prezidentlər mətbuata bəyanatla çıxış edirlər

Bu işçilərə kirayə üçün kompensasiya veriləcək

Bu şəxslərin təhsil haqqını dövlət ödəyəcək

"Sahib nəslimizin ən kiçiyi idi, indi hamımızın ən böyüyüdür" - Şəhidlər unudulmur // FOTO + VİDEO

Mədəni sərvətlərin təhlükəsiz yerlərə köçürülməsi qaydası müəyyənləşib

Xəzərin Azərbaycan sektorunda süni torpaq sahələri yaradılır

Hərbi qulluqçuların vəzifələri artırılır

Sabah 4 rayonda qaz olmayacaq

Vətəndaşlarımız hazırda 40-a yaxın ölkəyə səfər edə bilər - VİDEO

Demokratik Birlik Partiyasının təbriki

15 mindən çox şəxsə əlillik təyin olundu

İlham Əliyevin Fitso ilə təkbətək görüşü başladı

Bu qidalar mədə yanmasının qarşısını alır - SİYAHI

Azərbaycanı Naxçıvanla birləşdirəcək yoldan görüntülər - VİDEO

Bütün xəbərlər