İyulun 15-də Azərbaycan Respublikasının Prezidenti İlham Əliyev, Avropa İttifaqı Şurasının Prezidenti Şarl Mişel və Ermənistanın baş naziri Nikol Paşinyan arasında üçtərəfli görüş baş tutacaq. 

"MUMtv.az" xəbər verir ki, bu barədə Ermənistanın baş naziri Nikol Paşinyan iyulun 13-də hökumətin iclasında bildirib.

Görüş Brüsseldə keçiriləcək: "Mən artıq həmin görüşdə iştirakımı təsdiqləmişəm. Ümid edirəm ki, görüş zamanı sülh müqaviləsi danışıqlarında irəliləyiş əldə olunacaq".

Xatırladaq ki, Ermənistan Təhlükəsizlik Şurasının katibi Armen Qriqoryan "Amerikanın səsi"nə müsahibəsində sözügedən görşün nəzərdə tutulan müddətdən - iyulun 21-dən daha tez keçiriləcəyini açıqlamışdı.