MUMtv.az: - "Aqrar təhsil ocağına bir çox rektor və rektor əvəzi gəlib ki bəzisi aqrar təhsilin inkişafına önəm verib bəzisi isə yenidən qurma edərək universitetin inkişafında mühüm əhəmiyyət kəsb edib". Bu barədə DİA.AZ-a göndərilən və Azərbaycan Dövlət Aqrar Universiteti ilə bağlı bir sıra iddia və ittihamların yer aldığı məqalədə deyilir.

Məqalədə daha sonra bildirilir: "Bütün iclaslarda ancaq universitetin maliyyəsindən danışan Zəfər Qurbanov təhsil ocağının inkişaf və idarəsi üçün gəlmədiyin açıq şəkildə hiss etdirir. Aydın olur ki, onun əsas vəzifəsi bir rektor olaraq ADAU-nun büdcəsinə öz cibi kimi baxmaqdır.

Sabiq rektor İbrahim Cəfərov olsaydı, liftlərin birində problem olsaydı, həmin dəqiqə təmir etdirərdi. Qanundan danışan Zəfər Qurbanov nəyə görə kargüzarlıq üçün nəzərdə tutulan maliyyə vəsaitini mənimsəyir? Dekanlıq və kafedralara lazım olan dəftərxana ləvazimatlarını dekanlar və kafedra müdirləri alır. Tədrisdə xarab olan və təmirə ehtiyac olanda təmir etdirmir, təmir xərclərinin hamısın müdirlərə və dekanlara ödətdirir. Dekanlar və kafedra müdirləri hamısı hər maaşlarından 150 manata kimi kargüzarlıq və komputer xərclərinə pul verməkdən bezdiklərini bildirir.

Zəfər Qurbanov, sən hansı qanundan danışırsan, özünü təmiz təhsil işçisi göstərirsən ki, kafedra müdiri seçkilərinə açıq müdaxilələr edirsən? Hansı marağa görə Seyidəliyev Nizaminin namizədliyini geri götürərək göyçəli Aynur Həsənovanı kafedra müdiri kimi məcburi seçirdin? Elmi şura və kafedranın müəllimləri Seyidəliyev Nizamini istəməyinə rəğmən... Hansı düzgünlükdən danışırsan ki, Bəşir Bağırzadənin əli ilə qiyabi tələbələrin imtahandan keçməyinə pul yığdırırsan? Qiyabi tələbələrin imtahanını Bəşir Bağırzadə tapşırığı ilə Ruslan Tahirov sistemdə tələbələrə istədiyi qiyməti yazır.

Ruslan Tahirov sabiq rektorun dönəmində də bu kimi pul alaraq kəsir düzəltməyə görə imtahan rəhbərliyindən azad edilmişdi. Zəfər Qurbanov elə bu marağa görə də qiyabi şöbəni ayırmaq istəyir. Səbəb isə pulu üç yox, iki yerə bölməkdir. Əgər qiyabi şöbə ayrı olarsa, tələbələr dərsə belə gəlmədən pulunu verib diplom ala bilər. Elə buna görə də Zəfər Qurbanov Bəşir Bağırzayə də tapşırıb ki təcili şöbəyə dekan lazımdır. Bəşir Bağırzadə isə gecə-gündüz hərraca çıxarılan şöbəyə verilən qiymətlərlə maraqlanır.

İndi sən hansı düzgün işləməkdən danışırsan, Zəfər Qurbanov?

Bir əsirlik yaşı olan qocaman aqrar təhsil ocağını tamamilə məhv etmisən..."

İddia olunanlarla bağlı bütün maraqlı tərəfləri dinləməyə hazırıq.