Gündəm

“Qarabağ Təmir-Tikinti” MMC TENDERİ NECƏ ƏLDƏ EDİR? - İLGİNC FAKTLAR

MUMtv.az: - Qaçqınların və Məcburi Köçkünlərin İşləri üzrə Dövlət Komitəsi Mənzil İstismar Departamenti Ağdam rayonu məcburi köçkün qəsəbələrində qəsəbədaxili asfalt yolların təmiri işləri üzrə 21.02.2023-cü il tarixdə başladığı açıq tender müsabiqəsinə yekun vurub. Dövlət satınalmalarının vahid internet portalına yerləşdirilmiş məlumata görə tender müsabiqəsi 20.04.2023-cü il tarixdə tamamlanmış və “QARABAĞ TƏMİR-TİKİNTİ” Məhdud Məsuliyyətli Cəmiyyəti qalib seçilərək 615.063,2 manat məbləğində dövlət sifarişi almışdır. MMC 19.07.2023-cü ilə qədər Ağdam rayonundakı məcburi köçkün qəsəbələrində qəsəbədaxili asfalt yolların təmiri işlərini aparacaq.

Qeyd edək ki,“Qarabağ Təmir-Tikinti” MMC-nin barəsində açıq mənbələrdə o qədər də geniş informasiya yoxdu. Yalnız elektron media resurslarının yaydığı araşdırmadan bəlli olur ki, Mənzil İstismar Departamenti tərəfindən 2020-ci ildə keçirilmiş bir neçə tenderin də qalibi sözügedən MMC olub. Belə ki, Ağdam rayonunda 16 ədəd fərdi yaşayış evlərinin təmiri işləri üzrə 295 261.75 manat dəyərində müqavilə 16.09.2020-ci il tarixdə “Qarabağ Təmir-Tikinti” MMC ilə bağlanıb. Qeyd edək ki, Departament sözügedən MMC-nin hesabına elə həmin rayonda 13 fərdi yaşayış evinin təmiri işlərinə 294 162.72, növbəti tenderdə isə 16 fərdi yaşayış evinin təmiri işlərinə də 295 261.75 manat dövlət vəsaiti ayırıb. Burada isə hər bir evin təmirinə orta hesabla birincidə 22 627,ikincidə isə 18 453 manat düşür. Maraqlıdır, 13 fərdi yaşayış evinin də, 16 fərdi yaşayış evinin də təmirinə 300 min manata yaxın vəsait ayrılıb. Qeyd edək ki,sözügedən MMC təkcə 2020-ci ilin avqust-sentyabr aylarında 5 tenderin qalibi olub ki,onun 3-ü Ağdam rayon İcra hakimiyyətinin elan etdiyi tenderlərdir. Sözügedən şirkət 2021-ci ildən ildən başlayaraq, Ağdam RİH-in 8 tenderinin qalibi olub.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “Qarabağ Təmir-Tikinti” MMC-nin Ağdam Rayon Vergilər Şöbəsində 19.11.2018-ci il tarixdə dövlət qeydiyyatına alındığı göstərilib.Reyestr məlumatlarında nizamnamə kapitalı 10 manat olan MMC-nin hüquqi ünvanı Ağdam rayonu, Quzanlı qəsəbəsi, qanuni təmsilçisinin isə Məmmədov Elgün Yusif oğlu olduğu qeyd edilib.

Bəs kimdir Məmmədov Elgün Yusif oğlu? İnternet axtarış sistemləri üzərindən apardığımız araşdırmalarda bu ad və soyadda bir neçə nəfərin olduğu aşkarlandı. Daha diqqət çəkən iki Elgün Məmmədov var. Onlardan biri Gilan Otelçilik Qrupunun İcraçı Direktoru Elgün Məmmədovdur ki, ata adını öyrənə bilmədik. Ata adı uyğun gələn digər Məmmədov Elgün Yusif oğlu DİN tərəfindən axtarılır. Belə ki, Bakı şəhəri Baş Polis İdarəsi tərəfindən barəsində Azərbaycan Respublikası Cinayət Məcəlləsinin 234.1-ci maddəsi ( (234.1. Satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) ilə axtarış elan edilmişdir.

“Dövlət satınalmaları haqqında” Qanunun 6.2.6-cı maddəsində deyilir ki, tenderlərdə iştirak edəcək podratçılar “satınalma prosedurlarının başlanmasından əvvəlki 5 il ərzində özlərinin, habelə işlərini idarə edənlərin, qulluqçularının peşəkar fəaliyyətləri ilə əlaqədar cinayətə görə məhkum olunmamalıdır”. “Qarabağ Təmir-Tikinti” MMC-nin qanuni təmsilçisi Məmmədov Elgün Yusif oğlu ilə Bakı şəhəri Baş Polis İdarəsinin barəsində axtarış elan etdiyi Məmmədov Elgün Yusif oğlu eyni bir şəxsdir, ya bir təsadüfdür deyə bilmərik. Onu müəyyən etmək hüquq mühafizə orqanlarının işidir.

“Qarabağ Təmir-Tikinti” MMC TENDERİ NECƏ ƏLDƏ EDİR? - İLGİNC FAKTLAR


Məlumatlara aydınlıq gətirmək məqsədi ilə Qaçqınların və Məcburi Köçkünlərin İşləri üzrə Dövlət Komitəsi Mənzil İstismar Departamentinin sektor müdiri, əlaqələndirici şəxs Fariz Abbasova dəfələrlə zəng edərək əlaqə saxlamağa çalışsaq da, telefona cavab verən olmadı. Odur ki, movzu ətrafında araşdırmalarımıı davam etdirəcəyik.

Qeyd edək ki, Qaçqınların və Məcburi Köçkünlərin İşləri üzrə Dövlət Komitəsi Mənzil İstismar Departamentinin direktoru Səbuhi Əhmədovdur. Dövrü mətbuatın yazdığına görə vaxtı ilə Balaxanıneft Neft Qaz Çıxarma İdarəsinin rəisi olmuş, naməlum səbəblərdən işini itirmiş, daha sonra Komitə sədri Rövşən Rzayevin ən yaxın adamı kimi Mənzil İstismar Departamentinin direktoru vəzifəsinə gətirilmiş Səbuhi Əhmədovun qaçqınların başına oyunlar açması, mənzilləri satması, qaçqın şəhərciklərində satmadığı yerin qalmaması barədə çoxsaylı məlumatlar var.//Aktualinfo.org


Son xəbərlər

Bu şəxslər 2500 manat cərimə ediləcək

Azərbaycana gətirilən avtomobillərə görə alınan parklanma pulu kəskin artırıldı - VİDEO

ISW rusların bu il Ukraynada nə qədər ərazini ələ keçirdiyini açıqladı

Azərbaycanda məşhur müğənni ikinci dəfə ərə gedəcək (VİDEO)

1,2 milyonluq dələduzluqda ittiham olunan iş adamı azadlığa buraxıldı - 7 il cəza almışdı

"Oğlumu bu vətənə qurban verdim, amma 31 ildir kimsə qapımı tanımır" - Cəbrayıllı şəhid atasının gözünün yaşı qəzəbə dönüşdü // VİDEO + FOTO

Bu gün "Qarabağ" 11-ci dəfə çempion ola bilər

Gəncədə dəfn ilə bağlı qeyri-adi inanclar (VİDEO)

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Prezident avtomobil yolları ilə bağlı fərmanda dəyişiklik etdi

Gəncə İcra Başçısı haqda maraqlı iddia və maşın kolleksiyası - Dövlət büdcəsini evinə daşıyıb ki...

Bakıda bu səbəbdən torpaq kəskin ucuzlaşdı

Arıqlama dərmanı qadınlarda kütləvi hamiləliyə səbəb olub

Yaşayış binalarında da parklanma yerləri bahalaşdı

İki rəis işdən çıxarıldı, direktora şiddətli töhmət verildi

“Paşinyan qaçacaq, ətrafı isə...” – İrəvanda hakim partiya üzvləri qorxudulur

Təxribata meyilli qruplar adətən sosial şəbəkə üzərindən ilk addımı atırlar

"Bu tələblər yerinə yetirilməyənə qədər əsirlər azad edilməyəcək" - HƏMAS sözçüsü

“Azneft” İstehsalat Birliyinə yeni baş direktor təyin edilib

Nikol Paşinyan: Ermənistan mühacirətdə olan “Dağlıq Qarabağ hökuməti"ni tanımır

Dollara tələbin artmasının səbəbləri açıqladı

Azərbaycanda işığın qiyməti ucuzlaşa bilər (VİDEO)

Azərbaycanda işığın qiyməti ucuzlaşa bilər (VİDEO)

Vüqar Qurbanovdan yeni baş həkim TƏYİNATI

Daşaltıda itkin düşmüş daha 73 nəfərin adı açıqlanacaq - Əli Nağıyev

Boşanma zamanı əmlakın bölünməsi ilə bağlı daha bir yenilik - VİDEO

Bu gün milli təhlükəsizlik orqanlarının əməkdaşlarının peşə bayramıdır

Bu gün ilk Qədr gecəsidir

Vətəndaşların nəzərinə: Bakıda və üç rayonda qazın verilişində məhdudiyyət olacaq

Bakıda Rusiya Kino Günləri keçiriləcək

Ermənistan bu kəndi Gürcüstana qaytarmağa hazırlaşır

Sabunçunun problemlərinə qurumlar ADİL yanaşmır - Altından sərvətlər çıxan bu ərazilərin üstü kimlərin marağına xidmət edir? // VİDEO

Bütün xəbərlər