İtaliyanın baş naziri Giorgia Meloni-nin Ukraynaya dünənki səfəri onun iqtidar ortağı Silvio Berluskoninin Rusiyanın arqumentlərini dəstəklədiyi barədə sözlərinin kölgəsində qalıb.

Giorgia Meloni ilə birgə mətbuat konfransı keçirən Ukrayna prezidenti Volodomir Zelenski onu tənqid edən İtaliyanın keçmiş baş nazirinə cavab olaraq “Berluskoninin evi heç vaxt bombalanmayıb” deyib.

Meloni dünən Ukraynaya uzun müddətdir planlaşdırılan səfər edib. O, Rusiyanın hərbi cinayətlərdə ittiham olunduğu Buça və İrpin şəhərlərinə və paytaxt Kiyevə səfər edib.

Baş nazir Melonun səfəri bir neçə həftə əvvəl yekunlaşanda o, hakimiyyətdəki tərəfdaşlarından biri olan keçmiş baş nazir Silvio Berluskoninin etirazı ilə üzləşib.

Berluskoni fevralın 12-də verdiyi açıqlamada “Baş nazir olsaydım, heç vaxt Zelenski ilə görüşə getməzdim” deyərək, Ukrayna liderini “müharibənin səbəbkarı olmaqda” ittiham edib.

"MUMtv.az" "haberglobal"a istinadən bildirir bu sözlər Meloni və Zelenskinin dünən Kiyevdə keçirdiyi birgə mətbuat konfransında da xatırladılıb.

Zelenski bu mövzuda suala - “Məncə, cənab Berluskoninin evi heç vaxt bombalanmadı. Allaha şükürlər olsun ki, onun Rusiya Federasiyasından olan şəriki onun evinə tank göndərib, qohumlarını məhv etməyib" - deyə, cavab verib.

Zelenskinin bu sözləri bugünkü İtaliya qəzetlərinin bir çoxunun manşetlərində yer alıb. Bəzi qəzetlər baş nazir Meloninin Ukraynaya səfəri zamanı hakimiyyətdəki ortağı Berluskoninin ölkədən getməsi səbəbindən utandığını iddia edirdi.

O, “La Stampa” qəzetinin manşetində “Zelenskidən Berluskoninin şilləsinə” yazıb.

“İl Domani” qəzeti “Meloninin səfəri zamanı Zelenski müttəfiqi Berluskoniyə hücum etdi və soyuq havaya səbəb oldu” başlığını işlədib.

Il Fatto Quotidiano da "Zelenski Berluskonini təhqir etdi və Melonini aşağıladı" başlığı ilə çıxdı. Berluskoni ailəsinə məxsus “İl Giornale” qəzeti də manşetində “Zelenski hədəf idi” ifadəsini işlədib.

Rusiya prezidenti Vladimir Putinlə də şəxsi dostluğu olan Silvio Berluskoni daha əvvəl Ukrayna ilə bağlı Rusiyayönlü kimi şərh edilən açıqlamalar vermişdi.

Berluskoni ötən ilin sentyabrında, “Putinin bütün istədiyi Zelenskini layiqli insanlardan ibarət hökumətlə əvəz etmək idi. Döyüş təyyarəsi masanın üstündə deyil" - demişdi.

İtaliyanın baş naziri Meloni dünənki səfəri zamanı Ukraynaya döyüş təyyarələrinin gətiriləcəyi ilə bağlı iddiaları təkzib edib. İtaliyanın Ukraynaya hərbi yardımı çərçivəsində yeni paketə döyüş təyyarələrinin də daxil ola biləcəyi bir müddətdir gündəmdədir.

Meloni dünənki mətbuat konfransında bu mövzuda sualı cavablandırarkən, “Hazırda təyyarə tədarükü masada deyil. Biz beynəlxalq tərəfdaşlarla birlikdə bu cür qərarlar qəbul etməliyik”- deyib.

Digər tərəfdən, Meloni əlavə edib: "Əgər hücum edən tərəf və hücuma məruz qalan tərəf varsa, (hücuma məruz qalan tərəfə) verilən bütün silahlar müdafiə məqsədi daşıyır".

Dünən keçirilən mətbuat konfransında İtaliyanın Ukraynaya göndərəcəyi 6-cı hərbi dəstək paketinə hava hücumundan müdafiə sistemlərinin də daxil ediləcəyi açıqlanıb.

Meloni Zelenskiyə müraciət edərək, “İtaliya Ukraynanın yanındadır, azad dünya sizinlədir, sizə borcluyuq” - deyib.

MUMtv.az
Asiman Əsədsoy