Uzun illərdir ki,ölkənin səhiyyə sistemində hökm sürən acınacaqlı durum cəmiyyətin böyük əksəriyyətində qəzəb hissinin son həddə olduğu ilə müşahidə olunur. Əsasən də xəstəxanalarda həkimlərin xəstələrə laqeyid münasibət göstərməsi,sonu acı aqibətlə bitməsinə səbəb olur. Görəsən səhiyyə sistemində durumun bu cür olmasına səbəb nədir? Hər il dövlət büdcəsindən səhiyyə sisteminə böyük məbləğdə maliyyə vəsaiti ayrılır. Eyni zamanda sosial inkişafın yaxşılaşdırılması üçün dövlətin, bir çox idarə,müəssisə və təşkilatlara maddi və mənəvi dəstək göstərdiyi hər kəsə məlumdur.

Belə olduğu təqdirdə müəssisə,idarə və təşkilatların rəhbərləri nə üçün onlara verilən yüksək səlahiyyətlərdən xalq üçün deyil, öz şəxsi maraqlarına istifadə etməklə məşğuldurlar. Bu cür fəaliyyət göstərənlərə nə ad vermək olar. Məncə bunun bir adı var ,dövlətə və dövlət başçısına xəyanət. Bəli xəyanətdən başqa bir ad vermək olmur. İsbat üçün bir neçə gün öncə Fizuli rayon Böyük Bəhmənli kəndində baş vermiş avto qəza barəsində sosial mediada müxtəlif məlumatlar dərc olunmuşdur. Belə ki, qeyd olunan məlumatlarda bildirilirdi ki, yol -nəqliyyat hadisəsi zamanı xəsarət alan şəxsin yaxınları tərəfindən, xəstəxananın baş həkiminin evinə hücum olub. Başqa məlumatda da qeyd olunmuşdur ki, guya baş həkimin oğlunu döyərək, ona müəyyən xəsarətlər yetiriblər.

Bəs görəsən bu deyilənlər həqiqətdirmi?

DogruXeber.az bildirir ki,sözü gedən məsələ ilə bağlı redaksiyamıza maraqlı məlumatlar daxil olmuşdur. Daxil olmuş məlumata əsasən bildiririk ki,hadisə baş verən vaxt xəstəni rayonun Zobcuq qəsəbəsindəki xəstəxanaya aparıblar. Xəstəxanada həkimlərin olmadığını görən xəstənin yaxınları və kənd camaatı xəstəxanada mövcud durumdan qəzəblənərək baş həkimə öz etirazların bildirmək istəyiblər.

İyun ayının 25/26-da avto qəza zamanı ağır bədən xəsarəti alan İsmayılov Babəyin atası Elman kişinin sözlərinə görə,eyni kəntdə yaşayan baş həkim Natiq Şükürov evdə ola-ola qəzəbli camaatı narahat edən suallarına cavab vermək əvəzinə, polisə məlumat verib özünü bu işdən duruya çıxartmağa çalışıb. Hadisənin təfərrüatları ilə növbəti buraxlışlarımızda yaxından tanış edəcəyik.

İndi isə diqqətinizə kiçik bir məlumatı çatdırmaq istəyirik. Belə ki, DogruXeber.az informasiya agentliyinin redaksiyasına etibarlı mənbədən daxil olmuş məlumata əsasən bildiririk ki, Fizuli rayonunda və eləcə də sözü güdən xəstəxanada baş həkim N.Şükürovun ailə "şəbəkəsi" rayonda bir neçə yüksək vəzifəyə sahib olduqları bildirilir. Qeyd edək ki,N.Şükürovun rəhbərlik etdiyi xəstəxanada maliyyə işlərinə xüsusi nəzarət edənlər məhz öz ailə üzvləridir. Ailə üzvləri dedikdə söhbət həyat yoldaşı və 2 gəlnindən gedir. Bu hələ son deyil, məsələnin diqqət çəkən tərəfi burasıdır ki, N.Şükürovun bir qardaşının oğlu Horadiz qəsəbəsində mərkəzi xəstəxananın baş həkimi,digər qardaşı oğlu isə rayonda "TSEK" in müdridir. Qeyd olunanlar daxil olmuş məlumatda xüsusi yer almışdır.

Bununla məsələ bitmir....!

Aldığımız bir neçə maraqlı məlumatlar var ki, onlar da baş həkimin mülkləriylə bağlıdır. Söhbət rayonda və Bakının Nizami rayon ərazisində olanlarla bağlıdır.

Bizi izləyin.....!

Redaksiya olaraq qarşı tərəfi dinləməyə hazırıq: