Yeni Azərbaycan Partiyası Zərdab Rayon təşkilatının ərazi partiya təşkilatlarında hesabat-seçki yığıncaqlarına start verildi.

16 fevral 2022-ci il tarixdə Zərdab Rayon Gənclər və İdman İdarəsi və Uşaq və Ailələrə Dəstək Mərkəzi ərazi partiya təşkilatlarının hesabat-seçki yığıncaqları keçirildi.
YAP Zərdab Rayon təşkilatının məsul işçilərinin iştirakı ilə keçirilən yığıncaqlarda əvvəlcə ümummilli lider Heydər Əliyevin və vətən uğrunda canından keçən şəhidlərimizin əziz xatirəsi bir dəqiqəlik sükutla yad edildi. Dahi şəxsiyyət Heydər Əliyevin rəhbərliyi ilə 1992-ci ilin noyabrında yaradılan Yeni Azərbaycan Partiyasının ötən dövr ərzində keçdiyi şərəfli inkişaf yolundan, bu gün Azərbaycan Respublikasının Prezidenti cənab İlham Əliyevin rəhbəri olduğu partiyamızın ölkəmizdə, həmçinin beynəlxalq aləmdə böyük nüfuza malik olmasından, regionun ən güclü siyasi təşkilat olduğundan bəhs edildi.
Yığıncaqlarda gündəlikdə duran məsələlərə uyğun olaraq ərazi partiya təşkilat sədrlərinin hesabat məruzələri dinlənildi və yeni sədr və müavinlər seçildi.
Yeni Azərbaycan Partiyası Zərdab Rayon təşkilatı adından ərazi partiya təşkilatlarımıza yeni seçilən sədr və müavinləri təbrik edir, gələcək fəaliyyətlətlərində uğurlar arzu edirik.