Hurriyyet.az “İnterfaks” agentliyinə istinadən xəbər verir ki, Qazaxıstanın bir neçə regionunun sakinləri maye qazın qiymətinin bahalaşmasına qarşı etiraz mitinqləri keçirirlər. Sosial şəbəkələrdəki informasiyaya görə, ən böyük etirazlar Aktau şəhərində keçirilir. Bura 16 min nəfərə yaxın insan toplaşıb. Janaozendə isə 10 min nəfərə yaxın vətəndaş mitinqlərdə iştirak edir.
Hur-Sultan şəhərində isə polis etirazçıların əl-qol açmasına imkan verməyib, bir neçə nəfər həbs edilib. Ölkənin başqa şəhərlərində də polis nümayişçiləri həbs edir.
İlk olaraq, Qazaxıstanın Manqistauksk vilayətinin sakinləri maye qazın qiymətinin qalxmasına qarşı etiraz aksiyaları keçiriblər – maye qazın 1 litrinin qiyməti 1 yanvar tarixindən 60 təngədən 120 təngəyə qədər bahalaşıb. Etirazçılar mavi yancağın 1 litrinin qiymətinin hökumətin vəd elədiyi kimi 80-90 təngəyə yox, 50 təngəyə qədər ucuzlaşmasını tələb ediblər.
Hazırda hökumət komissiyasının nümayəndələri Aktaudakı fəallarla danışıqlar aparırlar.
Hürr Tərcüman