Gündəm

GERÇƏK MƏNZƏRƏ: Soçi bəyanatında nələr var? - XEYRİMİZƏ VƏ ƏLEYHİMİZƏ OLAN MƏQAMLAR...


MUMtv.az: -  Azərbaycan və Rusiya Prezidentlərinin, Ermənistan baş nazirinin görüşü bitdi.
Yeni bir bəyanat imzalandı. Yerli mediada əsas nəticə Azərbaycanı xeyrinə yozulur. Azərbaycanın öz qarşısına qoyduğu məqsədlərə çatdığı deyilir.

Bu mənada bir nəticə bütün nəqliyyat kommunikasiyalarının açılması bağlı bənddir. Bu məqsədlə konkret layihələrə başlamaq razılaşdırılıb. Düzdür, Rusiya prezidenti Vladimir Putin və Azərbaycan prezidenti İlham Əliyev "dəhliz" ifadəsini işlədiblər. Ancaq bəyanatda nəinki "Zəngəzur dəhlizi", hətta "dəhliz" ifadəsi yer almır. Ancaq Azərbaycan tərəfi "konkret layihələr" ifadəsinə əsaslana biləcək. Dəqiq yazılmadığı üçün Ermənistan bundan qaçmağa cəhd edəcək. Ancaq Rusiya, eləcə də, Türkiyə və başqa böyük aktorlar Zəngəzur dəhlizində israr edirlər. Sənəddə dəhliz və onun keçəcəyi konkret coğrafi ərazi göstərilməsə də, bu məsələdə böyük güclərin iradəsinin təsirli olacağı gözlənilir. Azərbaycan da bunda maraqlıdır.

Ermənistanın sənədə "əsirlər" və "saxlanılan şəxslər" ifadələrini yazdırması mümkün olmayıb. Bu da Azərbaycanın xeyrinədir; Ermənistan revanşistləri bunu Paşinyana qarşı istifadə edəcəklər.

Sənəddə Azərbaycanın rədd etdiyi "Dağlıq Qarabağ konflikti" ifadəsi var; buna görə, Azərbaycan müxalifəti, çox güman ki, bəyanatı tənqid edəcək. Başqa bir yenilik Ermənistanla Azərbaycan arasında sərhədlərin delimitasiyası, sonrakı demarkasiyası üzrə ikitərəfli komissiyanın yaradılmasıdır. Bu barədə Ermənistanla Azərbaycan qiyabi söz duelinə çıxmışdı. İndi bu məsələni ərazidə və masa arxasında, xəritə qarşısında - birgə komissiyada həll etmək haqda razılaşıblar. Hansı xəritə əsasında? Bəyanatda yazıldığı kimi, "Rusiyanın konsultativ köməyi ilə". Yəni Rusiyanın ortaya sərəcəyi xəritə ilə. O xəritələrin isə hansı variantı seçiləcək? Bu məlum deyil. Ancaq məlum olan budur: Rusiya bu bəndlə sərhəd məsələsinin Brüsseldə müzakirəsini ya tamam dəf edir, ya da müzakirə olacaqsa da, Rusiyanın "konsultativ" dəstəyi çərçivəsindən kənara çıxmayacaq. Brüssel həm də onun üçün idi ki, Avropa İttifaqı, sonrakı addımda ABŞ Azərbaycanla Ermənistan arasındakı sərhəd məsələlərinə arbitr ola bilsin. Putin isə Soçidə bəyanata yazdırıb ki, sərhəd problemi yalnız Rusiyanın egidası altında həll etmək olar.

Bəyanatda Rusiya sülhməramlı kontingentinin fəaliyyəti yüksək qiymətləndirilib. Bunu daha çox Ermənistan öz xeyrinə şərh edəcək. Azərbaycan dəfələrlə bu kontingentdən narazılığını ifadə etmişdi. Görünür, bütün əvvəlki insidentlərə baxmayaraq, rəsmi Bakı üçün bu məsələ prioritet deyil. Əsas məsələ nəqliyyat kommunikasiyalarının açılması, sərhəd məsələsinin həlli və sonrakı mərhələdə sülh müqaviləsidir. Təbii ki, qarşı tərəf bəyanatdakı "Dağlıq Qarabağ münaqişəsi" ifadəsindən istifadə edərək status tələbini qabardacaq. Ancaq sənəddə statusa dair bir eyham olmaması Azərbaycanın xeyrinədir. Azərbaycan 10 noyabr 2020-ci il, 11 yanvar 2021-ci il və 26 noyabr 2021-ci il bəyanatlarına əsaslanaraq, fundamental məsələləri həll etməyi hədəfləyir. Bunun nəticəsində Rusiya hərbi kontingentinin məsuliyyət ərazisini - hələlik Azərbaycanın nəzarət etmədiyi 3150 kv.km.-lik ərazini öz yurisdiksiyasına qaytarmağa çalışacaq. Bu nikbin perspektivdir. Sənəddə "regionun iqtisadi potensialının üzə çıxarılması" ifadəsi var. Bu, o deməkdir ki, prosesdə region ölkələrinin iqtisadi maraqları uzlaşdırılacaq. Və təkcə onların deyil. Xəzər hövzəsindəni neft-qaz layihələrini götürək. ABŞ, Avropa, ayrıca Böyük Britaniya bir tərəfdən, Rusiya, İran... o biri tərəfdən rəqabət aparırdılar. Sonunda bütün aktorların maraqlarını uzlaşdırmaq mümkün oldu. Bu dəfə də, çox güman ki, belə olacaq.
Bizimyol.info

Son xəbərlər

"Azərbaycan Laçın dəhlizində post quracaq" - Başqa yolu YOXDUR!

ASALA-nın təhdidini gözardı etmək olmaz: - Bakı və Ankara hərəkətə keçməlidir

Azərbaycanda karantinə götürülmə qaydası dəyişib

İbrahim Rəisi Moskvadan niyə əliboş dönüb? - İNCƏLƏMƏ...

Keçmiş deputat Eldar Mahmudova ŞİRKƏT AÇIR? - Ortada yetərincə şübhələr var...

Manat 4 əsas valyuta qarşısında BAHALAŞIB

Azərbaycanda sürətlə yayılan xəstəliklər: “Omikron” yoxsa “influenza”?

“AMEA sanki əyləncə mərkəzidir” - VİDEO

Ələt-Astara yolunda TIR qəzaya düşüb - VİDEO

Bakıda bir gündə ikinci yanğın - VİDEO

Yeni hərbi obyektlər istifadəyə verilib - VİDEO

Azərbaycan ərzaq təhlükəsizliyini necə təmin edəcək?

Parlamentdə əmək pensiyaları ilə bağlı dinləmə keçiriləcək

Sumqayıt sakini Bakıda maşın oğurlayıb aeroporta apardı

Məhbus atası Prezidentdən KÖMƏK İSTƏDİ... - MÜRACİƏT

Bakıda yarımtikilidə yanğın söndürülüb - FOTO

Hövsanda 2 000 manatlıq samovarlar oğurlanıb

Milli Məclisdə “Məşğulluq haqqında” qanunun monitorinqi aparılacaq

Sabahın hava proqnozu AÇIQLANDI

Əhməd İsmayılov kimdir və o, Azərbaycan mediasını necə idarə edəcək? –ŞOK GƏLİŞMƏ

Ermənistan geri çəkilir - VİDEO

Qiymətlər niyə artır: Hökumət əvvəlcə səbəbini tapmalıdır... - İNCƏLƏMƏ...

FHN: Ötən sutka 23 yanğına çıxış olub, 10 nəfər xilas edilib

Dünya Alimlər Kuboku Çempionatının Bakı mərhələsi keçirilir - FOTO

Diotoloqdan məsləhət: “Sərt pəhriz saxlamaq təhlükəlidir”

Ulduzlar bu gün nə deyir

12 yaşlı qıza təcavüz edən idmançının adı klubun tarixindən silindi - FOTO

Sumqayıtın zülmət içində olan GÜNDÜZÜ... - Şəhəri barmağına dolayıb...

Azərbaycanda COVID-19 xəstələrinin karantin müddəti azaldılıb

Oğuzun icra başçısının bu kənddən xəbəri varmı? - Sakinlər ÇARƏSİZ DURUMDA

Azərbaycan manatın məzənnəsini sabit saxlayacaq

Azərbaycanda inflyasiya yavaşlayacaq

Bütün xəbərlər