Gündəm
Gündəm / Siyasət
Paşinyan: "Azərbaycan öz ərazisində gömrük məntəqəsi yaradır"
Ermənistanın baş naziri Nikol Paşinyan erməniləri Azərbaycanın Eyvazlı-Çayzəmi ərazisində gömrük məntəqəsi açmasından spekulyasiya etməyəyə çağırıb.
“MUMtv.az” “news.am”a istinadən xəbər verir ki, o bunu noyabrın 11-də hökumətin iclasında çıxşı zamanı Azərbaycanın Gorus-Qafan yolunun Azərbaycan ərazisindən keçən Eyvazlı-Çayzəmi ərazisində qurduğu gömrük məntəqəsi ilə bağlı mövqeyini açıqlayarkən deyib.
“Bildiyiniz kimi, Azərbaycan öz ərazisindən keçən Eyvazlı-Çayzəmi hissəsində gömrük məntəqəsi yaradır. Ona görə də spekulyasiyalara yol verməmək üçün deyim ki, Azərbaycanın Gorus-Qafan avtomobil yolundakı keçid məntəqəsi Ermənistan ərazisində yerləşmir, söhbət Eyvazlı hissəsindən gedir”, – Paşinayn deyib.
Paşinyan eyni zamanda kommunikasiyaların açılması ilə bağlı məsələyə aydınlıq gətirərək deyib ki, biz bunda maraqlıyıq: “Ümid edirik ki, üçtərəfli işçi qrupu çərçivəsində razılaşdırılmış prinsiplər əsasında tezliklə konkret həll yoluna gələcəyik. Bizə soyuqqanlılıq və səbirli olmaq lazımdır. Ermənistan ətrafında yeni mühit formalaşır ki, bu da bizim uzunmüddətli strateji maraqlarımıza uyğun olmalıdır və biz də bu yolla gedirik” - Paşinyan qeyd edib.