MUMtv.az: - Çin və ABŞ Şotlandiyanın paytaxtı Qlazqoda iqlim dəyişməsi üzrə əməkdaşlıq haqqında qətnamə imzalayıb.
“Report” BBC-yə istinadən xəbər verir ki, istixana qazı istehsalı üzrə dünyanın başlıca iki dövlətinin bu sənədi imzalaması gözlənilməz olub.
Bildirilib ki, tərəflər qarşıdan gələn 9 il ərzində, yəni 2030-cu ilədək Yerin atmosfer qatında temperaturun 1,5 dərəcə selsi azalması istiqamətində birgə mübarizə aparacaqları öhdəliyini imzalayıblar.
Qeyd edək ki, ABŞ Prezidenti Cozef Bayden noyabrın 2-də Qlazqoda İqlim Dəyişməsi Konfransında çıxışında ölkəsinin öhdəliyindən danışarkən demişdi: “İqlim öhdəliyimizi sözlərlə deyil, əməllərimizlə nümayiş etdirəcəyik. ABŞ tullantılarının 2030-cu ilə qədər 50-52 faizdən aşağı səviyyəyə endirəcəyinə dair iddialı hədəfinə nail olacaq. Biz dünyaya ABŞ-ın təkcə yenidən masaya qayıtdığını deyil, nümunənin gücü ilə rəhbərlik edəcəyimizi göstərəcəyik. Başçılıq etdiyim administrasiya iqlim öhdəliyimizi sözlərlə deyil, əməllərimizlə nümayiş etdirmək üçün çox işləyirik".