mumtv.az
mumtv.az

Bu gecəki atışmadan sonra Xankəndində xəstəxananın qarşısı... - FOTO

15-10-2021, 09:41


“Bu, Xankəndi xəstəxanasıdır... Siz inanırsızmı ki, bizim cəmi 6 yaralımız var. Buna çox inanmaq istərdim. Amma inana bilmirəm...”

"MUMtv.az"  Moderator.az-a istinadən  xəbər verir ki, qəsbkar Ermənistanın “Hraparak” nəşrinin məlumatına görə, bu cümlələri təqdim etdiyimiz fotonu özünün “Facebook” səhifəsində paylaşmış Tiqran Vardanyan adlı erməni istifadəçi yazıb.

Xatırladaq ki, dünən – oktyabrın 14-də Qarabağdakı qanunsuz erməni silahlı birləşmələrinin törətdiyi terror aktı nəticəsində əsgərimiz Əfqan Həmzəyev şəhid olub. Bu haqda Azərbaycan Müdafiə Nazirliyi rəsmi məlumat yayıb.

Bunun ardınca gecə saat 22:00 radələrində Azərbaycanın Qarabağ bölgəsində müvəqqəti olaraq məskunlaşmış rus sülhməramlılarının məsuliyyət zonasındakı separatçı-terrorçu rejimin “özünümüdafiə ordusu” guya Azərbaycan tərəfindən erməni mövqelərinə hücum edilməsi və nəticədə 6 erməni əsgərin yaralanması, ikisinin vəziyyətinin kritik-ağır olması haqda məlumat yayıb. Az sonra Azərbaycan MN açıqlama yayaraq sözügedən ərazidə erməni əsgərlərin öz arasında atışma baş verdiyini bildirib...

Erməni teleqram-kanallarında isə atışma nəticəsində ölənlərin də olduğu bildirilib. Ancaq
Ermənistan MN ölənlərlə bağlı məlumat yaymayıb və guya ermənilərin Azərbaycan Ordusunun atəşi nəticəsində yaralandığını iddia edib.

Xankəndindəki erməni mənbələrinin yaydığı son məlumata görə, həkimlər vəziyyəti ağır olan iki erməni əsgərinin həyatını qurtarıb. Hələlik cəmi 6 yaralının olduğu bildirilir...







Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA