Gündəm
Gündəm / Siyasət / Sosial / Səhiyyə
İsmayıllı səhiyyəsində qohum-əqrəba mafiyası,ölkə qanunlarını saya salmır
MUMtv.az: - İsmayıllı səhiyyəsi barəsində azerinfo.az saytına maraqlı məlumat daxil olub.Məlumatı göndərən şəxs şahmat məktəbində işlədiyini göstərir.Adının çəkilməsini istəməyən şəxs bunları qeyd edir.
Rayon səhiyyəsi public sığorta sistemində işləməsinə baxmayaraq burada pasiyentlərin dərisini soyurlar.Pul verməsən həkimlər səni başdansovdu eləyəcək və düzgün olmayan, necə gəldi diaqnoz ilə yola salacaqlar.Həkimlər açıqca pul tələb edirlər.Deyəndə ki,biz əmək haqqımızdan aylıq sığorta pulu veririk, cavab bu olur ki,nə olsun biz də veririk.Bunun həkimlərə nə dəxli var?
Pul verməsən səni uzun-uzadı süründürməçilik yolu ilə bezdirəcəklər.Hətta analizə pul verməyənlərə dərman yoxdur gedin Göyçayda, Qəbələdə, Ağsuda analiz verin deyərək xəstələri yollara salırlar.Bu günlərdə tibbi müayinədən keçmək üçün xəstəxanaya kollektiv şəkildə getmişdik.Baş həkim Nərgiz Rəhimova bizə dirəşdi ki,15 manat verməlisiniz.Bunlar hər adam görə 15 AZN pul tələb edirlər.
Xəstəxanada istənilən əməliyyat üçün xəstə sahiblərindən pul tələb olunur.Uzi aparatları 5-10 manata xidmət göstərir.Ginekologiya şöbəsi,doğum evi,bir sözlə, İsmayıllıda səhiyyə bərbad vəziyyətdədir.Burada həm xidmət sıfıra bərabərdir,həm də qanunlara zidd olaraq pul tələb olunur.Xəstələrə lazım olan bütün iynə-dərmanlar öz hesablarına aldırılır.
Xəstəxananın baş həkimi Nərgiz Rəhimova, səhiyyə direktoru Vidadi Rəhimovun əmisi gəlinidir.Qanun nə dərəcədə icazə verir ki,iki yaxın qohum bir müəssisədə rəhbər postlarını zəbt etsin.
Səhiyyə nazirliyi, dövlət qurumları təcili olaraq bu məsələ ətrafında ciddi tədbirlər görsünlər.Çünki əhali rayon səhiyyəsinin fəaliyyətindən faktiki olaraq narazıdır.Burada bazar qaydaları hökm sürür.Hər şey kağız üzərində pulsuz,realda isə pulludur.Həm də həkim və tibb işçiləri açıqca dirəşib pul tələb edirlər.Qanunlara məhəl qoyan yoxdur.Qanunu yada salanda adama lağ edərək, "Azərbaycanda qanun var?" deyərək cavab verirlər.
Xahiş edirik, bu problemin ölkə mətbuatında ictimailəşdirilməsini təmin edəsiniz.
Redaksiyadan:Mövzu ilə bağlı tezliklə çəkiliş qrupumuzun İsmayıllıya ezam olunması və səhiyyənin monitorinqini həyata keçirilməsini təmin edəcəyik.
Azerinfo.az məktublar şöbəsi.