MUMtv.az: -  09.08.2021-cı il tarixində Covid-19 pandemiyasının qarşısının alınması məqsədilə Sumqayıt Bələdiyyəsi,Sumqayıt Şəhər Mədəniyyət İdarəsi,Sumqayıt şəhər 5 saylı polis bölməsinin sahə müvəkkili və digər aidiyyatı əməkdaşlarla birgə şəhərin Yaşıl Dərə adlanan yeni yaşayış massivində,17,18-ci mik bəzi ərazilərində yerləşən kiçik və iri iaşə obyektlərində reydlər keçirilmişdir.Keçirilən reyd zamanı bələdiyyə üzvləri,mədəniyyət idarəsinin əməkdaşı,polis əməkdaşları tərəfindən Sumqayıt şəhər sakinləri,obyekt sahibləri,iaşə müəssisələrində çalışan əməkdaşlar ilə fərdi profilaktik söhbətlər aparılıb,onlara pandemiya ilə mübarizənin vacibliyi və qanunun tələbləri izah edilib.Qapalı iaşə obyektlərində maska taxmayan,maskadan düzgün istifadə etməyən işçilər,əməkdaşlar  qanunamüvafiq qaydada cərimələnib və bir daha belə halların baş verməməsi üçün qaydalara riayət olunmasına dair vacib tövsiyələr verilib.