Dünya
Rus mediası ermənilərin itkisini açıqladı: ən azı 15 ölü...
KTMT-nin Baş katibi Stanislav Zas Ermənistan-Azərbaycan sərhədində vəziyyətin gərginləşməsi ilə əlaqədar təşkilatın Daimi Şurasının təcili iclasını çağırıb (İclas artıq təxirə salınıb – red.). Amma çox güman ki, bu, İrəvanın bir oyunudur. Pandemiya dövründə Ermənistan Baş naziri Nikol Paşinyanın mövqeyi həddən artıq zəifləyib, əvəzində ölkə daxilində müxalifət birləşməkdə davam edir. Bu şəraitdə ictimai diqqətin daxili siyasətdən xarici təhlükəyə yönəldilməsi Nikol üçün son addımdır. Amma bu dəfə onun effektiv olacağı inandırıcı deyil.
Mumtv.az Axar.az-a istinadən xəbər verir ki, bu barədə Rusiyanın məşhur Nyus.ru portalı yazıb. Məqalədə bildirilib ki, əksər ölkələr kimi, Rusiya da Dağlıq Qarabağı Azərbaycanın ayrılmaz hissəsi kimi tanıyır, buna görə də real olaraq İrəvan KTMT-dən müsbət heç nə gözləməməlidir.
"Ermənistanın Müdafiə Nazirliyi münaqişə zonasında əsl vəziyyəti gizlədir. Hərbi mənbələrdən əldə edilən məlumata əsasən, erməni komandirləri çoxlu sayda canlı qüvvə və hərbi texnika itirdiklərini bildirirlər. Söhbət ən azı 15 hərbiçinin ölməsi və çoxlu sayda yaralanın olmasından gedir. Amma Azərbaycan Müdafiə Nazirliyi dərhal hərbi qulluqçularının həlak olduğunu rəsmi olaraq bəyan etdi", - deyə xəbərdə vurğulanıb.
